Өнөөдөр болох үйл явдлын хураангуй
10:00 цагт Улаанбаатар хотод тоон телевизийн шилжилт хэрэгжихтэй холбоотойгоор МТШХХГ нь иргэд олон нийтэд тоон телевизийн талаар мэдлэгийг түгээх “Тоон телевизийн хэрэглэгчийн хүлээн авах төхөөрөмжийн танилцуулга, худалдаа”-г өөрийн байранд зохион байгуулна.
10:30 цагт НҮБ-ын UN-REDD (Ойн хомсдол, доройтлоос үүдэлтэй хүлэмжийн хийн ялгаралтыг бууруулах) хөтөлбөрийн хүрээнд манай улсад хэрэгжих Монгол орны Үндэсний UN-REDD хөтөлбөрийн баримт бичигт гарын үсэг зурах ёслолын үйл ажиллагаа БОНХАЖЯ-нд болно.
11:00 цагт ”Мэргэжлийн сургалт амжилтын үндэс” ур чадварын анхдугаар уралдаан Тусгаар тогтнолын талбайд эхлэнэ.
11:00 цагт Хубилай хааны мэндэлсний 800 жилийн ойн арга хэмжээний хүрээнд Соёлын гавьяат зүтгэлтэн, зохиолч Д.Жамьянгийн “Чингис, Өгөдэй, Хубилай сэцэн хаан”-ы романы нээлт Хүүхдийн номын ордонд болно.
11:00 цагт Их Британи улсын соёлыг таниулах, хоёр орны хоорондын харилцааг бэхжүүлэх зорилго бүхий “GREAT BRITISH FAIR” соёлын өдөрлөг Үндэсний Соёл Амралтын Хүрээлэнгийн “Хар сувд”-д болно.
11:00 цагт Ой модны салбарын ажилчдын өдрийг угтан БОНХАЖЯ-ны Төрийн нарийн бичгийн дарга Ц.Цэнгэл, Ойн бодлого зохицуулалтын газрын дарга Ц.Банзрагч, Ой модны үйлдвэрлэл эрхлэгчдийн холбооны ерөнхийлөгч Ц.Даваасүрэн зэрэг албаны хүмүүс БОНХАЖЯ-ны “Хаан танхим”-д мэдээлэл хийнэ.
11:00 цагт Чингэлтэй дүүргийн 17-р хорооны гахай савдагт уулын өвөрт тус дүүргийн иргэдийн баярын өдөрлөг болно.
11:30 цагт Нарны зам дагуу байрлах “Саруул” төвийн урд “Мөнхийн үсэг” группын байранд “Азхур” номын их дэлгүүрийн нээлт болно.
12:00 цагт ХУД-ийн Соёлын ордонд БОНХАЖ-ын сайд Н.Батцэрэг ХУД-ийн 4, 11 дүгээр хорооны нутаг дэвсгэр буюу Зайсан, Арцатын аманд амьдардаг 106 иргэдэд газар ашиглалтын гэрчилгээг гардуулна.
12:30 цагт “Хүсэл зорилгоо нэгтгэе”, “Хохирогчдын холбоо”, “Иргэний шударга шүүх” ТББ-аас Өршөөлийн хуулийн талаар “Зууны мэдээ” сонины Үндэсний мэдээллийн төвд мэдээлэл хийнэ.
13:00 цагт Хүнс, хөдөө аж ахуйн яамнаас жил бүр зохион байгуулдаг “Шилмэл мал 2015″ үзэсгэлэн худалдаа Яармагийн дэнжид зохион байгуулагдана.
14:00 цагт Дэлхийн багш нарын баярын өдрийг угтсан “Гар бөмбөг”ийн ШУТИС-ийн спорт зааланд болно.
15:00 цагт Өвөлжилтийн бэлтгэл хангуулах, биелэлтийг зохион байгуулах Онцгой комиссын цахим хурал Төрийн ордны Нутгийн удирдлагын танхимд болно.
17:30 цагт Жүжигчин, найруулагч О.Бат-Өлзийн “Маш нууц” уран сайхны киноны нээлт “Тэнгис” кинотеатрт болно.
URL:
