А.Мөнхбат: Миний бага нас

Уул шиг ханхар аав минь
Унага номхочлон уургалуулж
Урмаар хүүгээ тэтгэдэг байсан

Буян нь бялхсан ээж минь
Бурууг зөвлөж, зөвийг зөөллөж
Бурмаар хүүгээ шагнадаг байсан

Урам бурам хоёроор
Угжуулж өссөн бага нас минь
Намхан бор толгодынхоо дундаас
Намайг үдэхэд нартай байсан

Адуунд мордсон аавыгаа
Ухаан тээгээд ирэхэд нь
Ааруул өвөртлөн тоссон
Адтайхан бага нас минь
Алгаараа даллаад ард үлджээ

Аргалд явсан ээжийгээ
Бодол түүгээд ирэхэд нь
Арагий нь түшиж буулгасан
Азтайхан бага нас минь
Хормой нь дэрвээд хол хоцорчээ