Барилгын кран унасан ноцтой осол гарлаа

Баянгол дүүргийн II хорооны нутаг дэвсгэрт дөнгөж сая ноцтой осол гарлаа. Тодруулбал, “ТБД-Андууд” худалдааны төвийн хойно баригдаж байсан барилгын кран хажуу байшингийн дээр унажээ. Ослын газарт Нийслэлийн Онцгой байдлын газрын алба хаагчид ажиллаж байна. Одоогоор хүн гэмтсэн болон осол гарсан шалтгаан тодорхойгүй байна. Энэ талаар НОБГ-аас тодруулахад “Дуудлага манайд биш Нийслэлийн шуурхай удирдлагын төвд ирсэн” гэх тайлбарыг өгч байна. Ослын талаар эргэн мэдээлэх болно.