Ц.Алдармаа бүх бурууг үүрч, Д.Оюунтуул ард түмний баатар болжээ

“Шинэ үе” продакшнд харъяалагдаж байсан жүжигчин Ц.Алдармаа жүжигчин Д.Оюунтуул нар маргалдан улмаар нэг нэгэн рүүгээ халуун ус цацсан хэрэг өнгөрсөн жилийн турш шуугиан тарьсан. Д.Оюунтуулын хувьд яаралтай хагалгаанд орохгүй бол насаараа гэлжгий болох аюулд орсон бол Ц.Алдармаа хэд хэдэн удаа ял сонсож, шоронгийн хаалга татахаас наагуур юм болсон.

Тэгвэл өнөөдөр тэдний хэрэг хэдийн хуучирч, сонирхолгүй болсон. Д.Оюунтуулын хувьд гоо сайхны мэс засалд орсноор урлагтаа эргэн ирсэн. Харин Ц.Алдармаа олны нүднээс дайжин, сураг алдарч 3 Охин хамтлагийнхныг бараадан, хааяа нэг хамтлаг дуучдын тоглолтыг үзэж байгаа харагдах болсон.

Болсон бүхнийг дүгнээд үзэхэд энэ хоёр бүсгүй хоёулаа буруутай ч, бүх бурууг Ц.Алдармаад тохож, урлагаас нь хүртэл хөндийрэхэд хүргэсэн бол Д.Оюунтуул чөлөөт уран бүтээлч болж, өмнөхөөсөө ч илүү өнгө нэмж, ардын баатар мэт олон түмэнд хүндлэгдэж, багагүй киноны саналд дарагдаад байгаа. 

А.Док

PHOTONEWS.MN