Ирэх сарын 7-нд Ээлжит бус чуулган товлогджээ

УИХ-ын Ээлжит бус чуулганыг хэзээ хуралдуулсан ч сайд нарын асуудлыг өргөн барихгүй, Намрын чуулган хүргэх тухай мэдээлэл гарч буй. Гэхдээ УИХ-ын дарга З.Энхболд Засгийн газрын зургаан сайдын нэрийг ирэх сарын 6-ны дотор багтан өргөн барих ёстойг сануулсан албан тоот Ерөнхий сайдад хаяглан гаргажээ.

Тиймээс ээлжит бус чуулганаар сайд нарын асуудал яригдаж магадгүй болоод байгаа. Тэгвэл эх сурвалжуудын мэдээлж буйгаар Ээлжит бус чуулганыг ирэх сарын 7-нд зарлан хуралдуулахаар тогтжээ. Чуулганаар хэлэлцэх бас нэг чухал асуудал бол Ерөнхийлөгчийн Өршөөлийн хуульд тавьсан хориг юм.