Д.Цэрэнтогтох агсанд зориулан “Д.Цэрэнтогтох” сан байгуулна

Монгол Улсын Хөдөлмөрийн баатар, гавьяат тамирчин,  Даяар дурсагдах далай даян дархан аварга Д.Цэрэнтогтох аварга хүнд өвчний улмаас төрсөн нутаг Өвөрхангай аймагт наймдугаар сарын 26-нд таалал төгсөн билээ.

Нутгийн зон олон болон Аймгийн нутгийн зөвлөл, “Их Монголын хүчтэн” дэвжээ хамтран “Цэрэнтогтох” сан байгуулахаар болсон талаар мэдээлэл хийлээ. Талийгаачийн хөшөөг төрсөн нутагт нь босгохоор болсон байна.

Мөн Далай даян дархан аварга Д.Цэрэнтогтох агсанд эмгэнэл илэрхийлэх, хүндэтгэл үзүүлэх боломжийг Улаанбаатар хотод суугаа нутгийн олон, мөн нийслэлчүүддээ олгох зорилгоор UBH /Өндөр буянт холдинг/ центрийн 14 давхарт тусгай танхим байгуулсан аж. Хүндэтгэл үзүүлэх танхим ирэх есдүгээр сарын 2-нийг хүртэл ажиллах юм байна.