Нярав нарт зориулсан сургалт болно

Сургууль, цэцэрлэг, сувилал, эмнэлгийн байгууллагуудын нярав нарт зориулсан тав хоногийн сургалтыг Нийгмийн эрүүл мэндийн хүрээлэнгээс явуулна.

Есдүгээр сарын 14-нөөс эхлэх сургалтаар хүнсний материал, түүхий эдийг хүлээн авах, түүн дээр гарах алдаанууд, яаж урьдчилан сэргийлэх  болон хүнсний аюулгүй байдлын  /хүнсний сонголт, хадгалалт хамгаалалт бусад/ талаар мэдлэг, чадварыг эзэмших юм байна.

Мөн цаашид өөрийн  ажиллаж буй эмнэлэг байгууллагын үйл ажиллагаандаа бодитоор хэрэгжүүлж, эмч, тогооч нартай багийн холбоотой ажиллаж сурах аж.

Сургалтын бүртгэл наймдугаар сарын 31-нээс есдүгээр сарын 7-ныг дуустал цахим хаяг болон утсаар бүртгэх юм байна.

Сургалтын талаарх дэлгэрэнгүй мэдээллийг 88083490 дугаарын утсаар лавлах боломжтой.