Гольфийн ахмадын улсын аварга шалгаруулах тэмцээн зохиогджээ

Mонголын гольфийн холбоо, “Очир” ХХК-тай хамтран Монголын гольфийн ахмадын улсын аварга шалгаруулах тэмцээнийг энэ сарын 22-нд  зохион байгуулжээ.

Тэмцээний эцсийн дүнгээр, 83 цохилт гүйцэтгэсэн амжилтаар Л.Дорж түрүүлэн хоёр дахь удаагаа улсын аварга болсон бол хоёрдугаар байранд 86 цохилтоор Н. Цогтоо удаалсан байна. Харин тэмцээний хамгийн ахмад тамирчин Д. Амарсайхан 90 цохилт гүйцэтгэсэн амжилтаар гуравдугаар байранд оржээ.

Мөн тэмцээний “Handicap”-ын төрөлд өрсөлдсөн тамирчдаас С.Хөдөлмөр, Д.Жаргалсайхан, Ч.Ганболд нар эхний 3 байрыг эзэлсэн байна.

Түүнчлэн “Nearest” буюу туганд хамгийн ойр буулгасан тамирчнаар Ц. Сэдваанчиг /2.45 м/ шалгарсан бол “Longest” буюу хамгийн хол цохисон тамирчнаар Л. Дорж /225 м/ нар шалгарчээ.

П.ЭНХ