Жүдо бөхийн ДАШТ өнөөдөр эхэлнэ

Казахстаны Астана хотод өнөөдөр жүдо бөхийн насанд хүрэгчдийн Дэлхийн аварга шалгаруулах тэмцээн эхэлнэ.

Тэмцээнд 137 орны эрэгтэй 495, эмэгтэй 328 жүдоч оролцох бөгөөд манай улсаас багийн тэмцээндо оролцох гурван жүдочтой нийлээд 21 тамирчин хүч үзнэ. Өчигдөр тэмцээний сугалаа болж, манай 18 жүдочийн ес нь эхний тойрогтоо гоц мөргөсөн байна.

Тэмцээний өдөр бүрийн урьдчилсан барилдаан Астанагийн цагаар 11.00-д буюу Улаанбаатарын цагаар 14.00 цагаас эхэлнэ. Харин шигшээ барилдаанууд манай цагаар 20.00 цагт явагдана. Энэ сарын 30-нийг хүртэл үргэлжлэх тус тэмцээнийг МҮОНТВ, ETV, SPORTBOX, C1 телевиз шууд дамжуулан үзүүлнэ.

Өнөөдөр тэмцээний эхний өдөр эрэгтэйчүүдийн 60 кг, эмэгтэйчүүдийн 48 кг-ын жингийн барилдаан  явагдана. Эрэгтэй 60 кг-ын жинд дэлхийн аварга, МУГТ Г.Болдбаатар болон Ц.Цогтбаатар нар зодоглох аж. Харин эмэгтэй 48 кг-д манай улсаас МУГТ М.Уранцэцэг хүч үзнэ.