70 настай хөгшнийг 24 настай залуу хөнөөжээ

Нийслэлийн Сүхбаатар дүүргийн дөрөвдүгээр хороонд оршин суудаг өндөр настай эмэгтэйг онц хэрцгийгээр хөнөөсөн хэрэг гарсан талаар бид мэдээллэсэн. Улмаар байсан УМБГ-ын Онц хүнд гэмт хэрэгтэй тэмцэх хэлтэс, Эрүүгийн цагдаагийн газрын хамтарсан ажлын хэсэг өчигдөр орой хэрэгтэнийг баривчилсан байна.

Дөнгөж сая ЦЕГ-ын хэвлэл мэдээллийн төвөөс энэ хэргийн талаар мэдээлэл хийлээ. ЦЕГ-ын хэвлэл мэдээллийн төвийн ахлах мэргэжилтэн Ё.Лхагвасүрэн хэлэхдээ “Цогцост хийсэн задлан шинжилгээгээр хохирогч амьсгал бүтэлтийн улмаас нас барсан ба хүзүүнд нь үүссэн зүсэлтийн шарх үхэлд хүргээгүй гэх урьдчилсан дүгнэлт гарсан.
Хэргийн газарт шаардлагатай шалгалтын ажиллагаануудыг тасралтгүй явуулж ажиллахад хэргийн газраас бэхжүүлсэн гарын Б-гийн гарын мөртэй тохирсон учир шуурхай эрэн сурвалжилан сэжигтнийг өчигдөр орой баривчиллаа.  Сэжигтэн Б нь 1991 онд Герман улсад төрсөн 24 настай эрэгтэй байсан. Хэргийн газраас алмазан шигтгээтэй бөгж, гар утас, дөрвөн ширхэг түлхүүр, хутга зэрэг алдагдсан бөгөөд алдагдсан гар утас, хутга зэргийг олсон бөгөөд бриллиантан шилтгээтэй шар өнгийн метал бөгжийг зарж борлуулсан болох нь тогтоогдсон. Тухайн хэргийг шалгахад 18 алба хаагч гурван машинтайгаар 92 цаг ажилласан ба шалгалтын ажиллагааг үргэлжлүүлэн явуулж байна.” гэж мэдээллээ.