“Оюутолгой”-н далд уурхай хариуцсан ерөнхий менежерийг томилов

“Оюутолгой” компани далд уурхайн бүтээн байгуулалтад шаардлагатай анхны томилгоог хийж, далд уурхай хариуцсан ерөнхий менежерээр Грег Фийлдийг томиллоо. Тэрбээр “Оюутолгой” компанид дэд бүтэц, үйлчилгээний ерөнхий менежер зэрэг алба хашиж байсан төдийгүй далд уурхайд хэрэглэгдэх блокчлон олборлох аргад мэргэшсэн, 20 гаруй жилийн туршлагатай юм байна.

Энэхүү албан тушаал нь “Оюутолгой”-н далд уурхайн бүтээн байгуулалтын ажлыг гүйцэтгэхэд чухал ач холбогдолтой албан тушаалуудын нэг бөгөөд “Оюутолгой” компанид далд уурхайн бүтээн байгуулалтын ажлыг амжилттай урагшлуулахаар хийгдэх гол томилгоонуудын анхных нь болж байна. Грег Фийлд “Оюутолгой” компанид ажиллахаасаа өмнө Австрали дахь Аргайлын алмазны уурхайд Үйл ажиллагааны бэлэн байдал хариуцсан ерөнхий менежерийн албан тушаалыг хашиж байжээ. Дашрамд сануулахад, “Оюутолгой”-н гол хувь нийлүүлэгч “Turquoise Hill Resources” компани далд уурхайн санхүүжилтийг оны эцсээр баталгаажуулах хүлээлттэй байгаа талаар мэдээлээд байгаа юм.

Д.Хаш-Эрдэнэ

Засгийн газрын мэдээ