Эр хүний хариуцлагагүй байдлаас үүдэн ганц бие ээж болсон гэх дуучин Нарагийн клуб

Уран бүтээл гэхээсээ илүү биеэ авч яваа байдал, илэн далангүй яриагаараа олны танил болсон хэмээгдэх дуучин Нара хүүгээ  ганцаараа өсгөж байгаагаа олонд зарласан. Тэрээр цахим хуудаснаа “Ганц бие ээжүүдийн групп” нээжээ. Энэ талаар өөрийн цахим хуудаснаа ийн бичээд, ганц бие ээжүүдийг нэгдэхийг уриалсан байна.  Нара “Happy Single Mommies буюу ганц бие ээжүүдийн групп маань хэдхэн цагийн дотор л 500-аад гишүүнтэй боллоо. Олон янзын л хүчин зүйлээс ганц бие ээж болцгоосон байна. Гэвч ихэнх нь эрэгтэй хүний хариуцлага хүлээх дургүй үүрэг хариуцлагагүй байдлаас үүдэн ганц бие болсон байгааг харахад харамсалтай л байна. Хүний охин үрд амьдралых нь хань түшиг тулгуур болоод амьдарч чадахгүй юм бол орцонд нь хүргэж өгөөд буц гэж үг байдаг даа!!!Гэхдээ би итгэлтэй байна, надад ч гэсэн цөөнгүй тооны ганц бие ээж найз охид байсан харин одоо ихэнх нь сайхан хайр, сайхан ханьтай учраад дундаасаа үр хүүхэдтэй болцгоогоод аз жаргалтай сайхан амьдарч байгаа зөндөө сайхан жишээг мэддэг учраас группынхээ гишүүд эдгээр гайхамшигтай сайхан ээжүүдийг удахгүй элэг бүтэн аз жаргалтай амьдралтай учирна гэдэгт итгэж байна.” хэмээн бичжээ. Юутай ч түүний нөхөр олон улсын тээвэр зуучийн “Global world wide” компаний гүйцэтгэх захирлын албыг хашдаг нэгэн гэдэг. Дуучин бүсгүй ч өнгөрсөн шинэ жилээр нөхрийнхөө хамт олонтой баярлаж явсан. Хүний амьдрал юу ч тохиолдож болохын адил  хамтран амьдарсан ч төд удалгүй салсан гэдэг. Өөртэй нь усны  дусал мэт адилхан охиныхоо аавыг ийнхүү  нууцалсан бүсгүй ганц бие ээжүүдийг уриалж клуб байгуулсан бөгөөд олон ээжүүд нэгдэж санал бодлоо солилцож байгаа юм.