Автобусууд шинэ маршрутаар явна

Нийслэлийн тээврийн газраас нэг чиглэлд олон автобус явдаг, хоорондоо уралддаг, замын түгжрэл үүсгэдэг зэрэг олон асуудлыг шийдэх үүднээс энэ сарын 15-наас эхлэн нийтийн тээврийн мартшрутыг шинэчлэхээр болжээ.  Энэ бүх  чиглэлийг өөрчилнө гэсэн үг биш. Өөрөөр хэлбэл хотын зах руу явдаг иргэд нэг автобусаар шууд хүрэхгүй, дамжиж суух юм байна. Үүнийг дагаад цахим картаа ашиглаж байгаа иргэд дамжин суулт үнэгүй байх зэрэг зохицуулалтыг хийх аж. Одоогоор энэ асуудлыг хэлэлцэж, зохицуулж байгаа юм.

Өнгөрсөн онд автобусны маршрутыг ингэж богиносгож 10 хоног туршилтаар явуулж байсан. Тэгвэл энэ туршилтыг энэ сарын 15-наас албан ёсоор хэрэгжүүлэхээр болжээ.