Массажны газар биеийг нь үнэлүүлжээ

Баянгол дүүргийн 18-р хороонд гоо сайхан, массажны газарт 18-21 насны найман эмэгтэй бусдад биеэ үнэлж байсныг цагдаагийнхан илрүүлжээ. Тэднийг биеэ үнэлж байна гэсэн мэдээллийг иргэд цагдаагийн байгууллагад өгсөн байна.

Дуудлагын дагуу ирэхэд өмнө нь Улаанбаатар хотын цагдаагийн газраас өгч байсан үүрэг чиглэлийн дагуу “Гулгаа массаж” нэрийн дор үйл ажиллагаа явуулж бусдын биеийг үнэлүүлдэг байсан хэд хэдэн газрыг шалгахад эдгээр эмэгтэйчүүдийн зарим нь байсан гэнэ.

Тэдэнд зохих шийтгэл торгуулийг оногдуулсан ч ийнхүү дахин биеэ бусдын дарамт шахалт дор үнэлж байжээ.

Уг хэргийг харьяа дүүргийн цагдаагийн хэлтэс шалгаж байгаа аж. Эх сурвалж www.wikimon.mn