Хакухогийн найранд 128 бөх барилдана

Монгол Улсын Хөдөлмөрийн Баатар, Монгол Улсын Гавьяат Тамирчин, Мэргэжлийн сумо бөхийн 69 дэх их аварга Хакухо М.Даваажаргал 35 дахь удаагаа түрүүлэн өчигдөр эх орондоо ирлээ. Тэрбээр “Хөдөлмөрийн баатар” цолныхоо найр, хүндэтгэлийн наадмыг Зуунмод хотноо хийхээр төлөвлөжээ.

Тус наадамд хүчит 128 бөхийн барилдаан, Их нас болон дааганы уралдаан болох аж. Мөн түүний гэргий Саёоко Вадагийн санаачилгаар Төв аймгийн Эрүүл мэндийн газарт Иж бүрэн тоноглогдсон түргэн тусламжийн машин бэлэглэх юм байна. Дашрамд дурдахад, Их аваргатай хамт мэргэжлийн сумогийн олон бөх иржээ.