С.Жавхланд Монголын улс төр жижигдэж байна

Гэзэг үсээ дал мөрөө давуулан ургуулж, үндсэрхэг үзэлтэй нэгэн болохоо батлан харуулж, эх орныхоо газар шороо, уух усны бүрэн бүтэн байдлын төлөө тууштай тэмцэгч, ард түмний хайртай дуучин, Гавьяат жүжигчин С.Жавхлан нэг л өдөр төр, засгийг эсэргүүцэн даахиа үргээлгэж, нүцгэн толгойтой болсон.

Ирэх сон­гуулиар МАХН-аас нэр дэвших эрхээ олж авсан гэх С.Жавхлангийн тухайд төрийн эрхмүүдийг, цаашлаад төрийн гурван өндөрлөгүүдийг хүч­тэй шүүмжилж, халз мэтгэлцээнд удаа дараа дууд­сан ч томчууд түүнийг но­хой хуцах дайны чинээ са­наж, тоогоогүй юм.

Харин улс төрийн амьдралыг мэдэж, мэдрэхийн төлөө улайрч яваа дуучин залуугийн тухайд улс төр гэдэг үнэндээ инээдмийн жүжиг мэт санагдаж байгаа бололтой.

Тэр­бээр урлагаа орхиж, улс төрөөр даг­наж эхэлсэн цагаасаа хойш “Үнэндээ надад Монголын улс төр жижиг са­нагддаг юм шүү” хэмээн ярьж, сайр­хаж, бааварлаж, бас ба­саж явдаг болжээ. Эх сурвалж www.wikimon.mn