Машинтайгаа гол усаар гарахгүй байхыг анхааруулж байна

Баянзүрх дүүргийн 20 дугаар хороо, Хар усан тохойн орчим өчигдөр “Автомашинтай хүмүүс Туул голд суусан байна” гэсэн дуудлагыг өгчээ.
Дуудлагаар нийслэлийн Аврах ангийн бүлгийг очиход Хар хошууны Оросын гарамны зүүн талд Тоёота Приус загварын автомашин голд суусан байсныг татаж гаргажээ.

Энэ мэтээр зуны улиралд иргэд автомашинтайгаа гол гатлах гэж байгаад усанд суусан гэх дуудлага олон ирдэг аж.

Тиймээс иргэдийг автомашинтайгаа гол гатлахгүй, баталгаат зам гүүрээр зорчиж, аюулгүй байдлаа хангахыг нийслэлийн Онцгой байдлын газраас сэрэмжлүүлж байна.

Эх сурвалж www.wikimon.mn