“Ажнай” Д.Бат-Эрдэнэ Макаод сумдын НЗ-ийн дарга нараа 50 гаруй мянган доллароор казинод оруулжээ

УИХ-ын гишүүд дундаа “Ажнай” Д.Бат-Эрдэнийн өмнө гишгэх хөрөнгөтэй баян үгүй биз. Тэрээр буриад прагматик барималчын бүтээсэн гэх Чингис хааны хөшөөг гурван сая еврогоор худалдан авсанаар дэлхий даахгүй баян гэдгээ баталсан. Ийм баян гишүүнд Өмнөговь аймгийн бүх сумдын нутгийн зөвлөлийн дарга нарыг Хонгконг, Макаогоор аялуулан казино тогло хэмээн хүн бүрд бэлнээр 2000 доллар өгөх юу ч биш биз. Саяхан тэрээр аймгийнхаа бүх сумдын хот дахь нутгийн зөвлөлийн дарга нарыг Азийн төдийгүй дэлхийн зугаа цэнгэл, мөрийтэй тоглоомын төв гэгдэх Макао, Сингапур мөн Хонгконгоор арав гаруй хоног аялуулж юм үзүүлжээ. Нийтдээ 25 орчим хүн явсан гэнэ. Нутгаасаа гарсан баян гишүүний ачаар газар үзээд нүд тайлаад ирсэн нутгийн зөвлөлийн дарга нар аялалаас нь хамгийн их сэтгэл хөдөлгөсөн үйл явдал Макаод болсон тухай ирээд ярьцгаажээ. “Ажнай” Д.Бат-Эрдэнэ дарга нарыг казинод оруулаад ийм юм байдаг, ингэж тоглодог гэж харуулаад хүн бүрд тоглоод үз хэмээн 2000 доллар өгсөн гэнэ. Дарга нар гэнэтийн явдалд самгардсанч “ухаан сийлж” эмэгтэйчүүд нь сул ож ирсэн мөнгийг “далд хийгээд” тоглоод алдчихлаа гэжээ. Эрчүүдээс нь бас даган мөнгөө “сожсон” нөхөд нэлээд хэд гарч. Зарим нэг нь гишүүний хишиг хэмээн бүх мөнгөөрөө тоглож дуусгажээ.  “Ажнай” Д.Бат-Эрдэнэ ийнхүү нутгийн зөвлөлтөйгөө “нягт хамтраад ажиллаж” эхэлсэн нь ирэх сонгуульд ахин нэр дэвших санаатайг нь баталж байна. Түүний өөдөөс сөргүүлээд тавих олигтой хүн Өмнөговийн МАН-д л ав байхгүй.  Хэрвээ ирэх сонгуульд ялаад гараад ирвэл “баян хүн гурван төрд нүүртэй” гэгчээр  Батлах хамгаалахын зэрэг сайдын суудалд ахин заларахад нэг их түвэггүй биз дээ…

NUUTS.mn