Баянзүрх, Чингэлтэй, Сүхбаатар дүүрэгт цахилгаан түр тасарна
Өнөөдөр Баянзүрх, Чингэлтэй, Сүхбаатар дүүргийн зарим хороодод цахилгаан эрчим хүч түр тасарна. Нийслэлийн өсөн нэмэгдэж буй цахилгааны хэрэглээг хангах зорилгоор улсын төсвийн хөрөнгө оруулалтаар хэрэгжүүлж буй Улаанбаатар хотын цахилгааны дамжуулах сүлжээний 110 кВ-ын “Их тойруу” төслийн ажлын хүрээнд ЦДҮС ТӨХК-ийн 220 кВ-ын агаарын шугамд шинээр тулгуур угсарч, холболт хийх ажил хийгдэх тул дараах дүүргийн нутаг дэвсгэрт оршин суух хэрэглэгчид 2015 оны зургаадугаар сарын 29-ний өдрийн 06-21 цагийн хооронд цахилгаан эрчим хүчний хэрэглээгээ түр зохицуулна уу.
- Баянзүрх дүүргийн 24, 27 дугаар хорооны нутаг дэвсгэр, Ганц худаг орчим;
- Чингэлтэй дүүргийн 14-19 дугаар хорооны нутаг дэвсгэр Хайлааст, Чингэлтэй, Долоон буудал;
- Сүхбаатар дүүргийн 11-20 дугаар хорооны нутаг дэвсгэр Дамбадаржаа, Бэлх, Сэлх, Ар согоот, Гоодой, Шадивлан, шарга морьт, Жигжид, Майхан толгой, Гүнт, Баянбулаг, Хандгайт, Ундраа, Санзай, Салхит зуслангийн чиглэлд.
Жич: Энэхүү бүтээн байгуулалтын ажил нь УБЦТС ТӨХК-аас эдгээр өдрүүдэд хийгдэх урсгал засварын ажилтай холбоогүй болно.
URL:
