Явуулын Хөдөлмөрийн Бирж Баянгол дүүрэгт ажиллалаа

 Баянгол дүүргийн хөдөлмөрийн хэлтэс, Монголын Залуучуудын Холбооны дэргэдэх Залуучуудын Хөдөлмөрийн Төв Бирж хамтран “Явуулын Хөдөлмөрийн Бирж” өдөрлөгийг дүүргийн нутаг дэвсгэрт хоёрдахь удаагаа амжилттай зохион байгууллаа.

Тус өдөрлөг нь Баянгол дүүргийн хүн ам ихээр төвлөрдөг 3 хэсэгт буюу ТБД андуудын баруун талд байрлах Тээврийн дээд сургуулийн гадна талбай, Хархорин худалдааны төвийн гадна талбай, Өргөө 1 кино театрын урд талбайд тус тус ажиллаж, хөдөлмөр зуучлалын үйлчилгээ үзүүлсэн юм. Энэ үеэр  байнгын ажилд 250 ажил хайгч бүртгэгдсэнээс 195 ажил хайгч ажлын байранд зуучлагдлаа. Харин цагийн ажлын байранд 168 ажил хайгч бүртгэгдсэнээс 120 ажил хайгч ажлын байранд зуучлагдаад байна.

Хэдий халуун нартай өдөр байсан ч Баянгол дүүргийн ажил идэвхтэй хайгчид халууныг үл тоон уг өдөрлөгт өргөнөөр хамрагдлаа. Ажил хайгчид цагийн ажлын байрыг ихэд сонирхож байсан бөгөөд байнгын ажил хайж буй ажил хайгчид маань давхар цагийн ажлыг ихээр сонирхож байсан юм.