Хар тамхины хэргээр 20 гаруй хүн саатууллаа

Эрүүгийн цагдаагийн газрынхан хар тамхитай тэмцэх ажлыг эрчимжүүлж эхэлжээ. Энэ хүрээнд өнгөрсөн өдрүүдэд Эрүүгийн цагдаагийн газрын ажилтнууд хар тамхи борлуулсан, хадгалсан, хэрэглэсэн гэх 10 гаруй гэмт хэргийг илрүүлжээ. Улмаар эдгээр хэрэгт холбогдуулан 20 гаруй хүнийг баривчилж, ШШГЕГ-ын харьяа цагдан хорих 461 ангид саатуулаад байна. Хар тамхины хэрэгт баривчлагдсан хүмүүсийн дунд олны танил хүн ч байгаа гэдгийг албаны эх сурвалж мэдээлж байна. Бид энэхүү мэдээллийн дэлгэрэнгүйг эргэн мэдээллэх болно.