МАРШАЛЫГ ЦАГААТГАХ ТӨСӨЛ “СОНГУУЛИЙН ШОУ” БИШ
З.ЦЭЦЭН
Сайн мэдээ:
УИХ дахь МАН-ын бүлэг төр нийгмийн нэр зүтгэлтэн, Монгол Улсын хөдөлмөрийн баатар, маршал Ю.Цэдэнбал агсныг улстөрийн талаар бүрэн цагаатгах хуулийн төсөл өргөн барьсан нь олон хүний сэтгэлийн гүн дэх гомдлыг тайлсан үйл явдал болов. Учир нь Монгол Улсын төрийн жолоог 40 гаруй жил удирдахдаа хоёргүй сэтгэлээр зүтгэж, өөрийн ухамсарт амьдралаа ард түмэн, нийт олныхоо аз жаргалын төлөө зориулсан түүнийг улстөрийн талаар бүрэн цагаатгах хуулийн төсөл өргөн барьсан нь сайн мэдээ. Энэ эрхэм хүн 24-хөн насандаа Монголын төрийн удирдагчдын нэгээр тодорч 44 жил нам төрийг толгойлсон юм. 1940-1984 он хүртэл БНМАУ-ын төрийн тэргүүн, Ерөнхий сайд, МАХН-ын Төв хорооны Ерөнхий нарийн бичгийн дарга, Улс төрийн товчооны гишүүнээр ажиллаж байв. Түүнийг монголчууд 40 гаруй жил бурхан мэт шүтэж, хүндэлж, хайрлаж байснаа амьдралынх нь сүүлийн жилүүдэд эрлэг шиг зүхэх болсон билээ. Өөрийнх нь талаар саар, сайн алинаар нь ярьсан ч Юмжаагийн Цэдэнбал бол цаг үеийнхээ захиалгаар төрсөн улстөрч байсан гэдгийг хожим монголчууд мэдэрч эхэлсэн. Маршал Ю.Цэдэнбалын Монголын төлөө хийсэн бүхэн зөв мөртэй, цагаан замтай байсан юм.
Муу мэдээ:
Их удирдагчийг цагаатгах хуулийн төсөл өргөн барьсан цагаас л АН-ын гишүүд МАН руу улстөрийн ээлжит дайралтаа хийж янз бүрээр харлуулах гэж үзэж байгаа нь олон хүнд таалагдахгүй байна. Саяхан УИХ дахь АН-ын бүлгийн дарга Б.Гарамгайбаатар “МАН маршал Ю.Цэдэнбалыг цагаатгах хуулийн төсөл өргөн барьсан нь сонгуулийн шоу. Б.Бат-Амгалан гэх хүний хийж буй зүйлийг МАН нэр дээрээ зээлж аваад хийчихлээ” гэх мэтээр ярьсан байх юм. Угтаа Б.Гарамгайбаатар гишүүн ингэж ярих хүн мөн үү, биш үү гэдгийг эхлээд авч хэлэлцэх нь зөв байх. Дараа нь МАН үнэхээр Б.Бат-Амгалан гэдэг хүний санаачилсан, сэдсэн зүйлийг аваад сонгуулийн шоу болгочихов уу гэдгийг дүгнэх нь зүйд нийцнэ. Үнэндээ хэрэгтээ Б.Гарамгайбаатар гишүүний санаачилсан Газрын тухай хууль нь олон нийтийн бухимдлыг төрүүлж тухайн үедээ сошиал ертөнцөөр “будаа” болгуулсан. Бүр бухимдал нь дээд цэгтээ хүрсэн хүмүүс “Гадаадын гар хөл бологч”, “Эх орноосоо урвагч”, “Эх орноо худалдагч” зэргээр бичиж байсан баримт одоо ч бий. Ийм хүн бүхэл бүтэн 44 жилийн турш төр удирдаж Монголын тусгаар тогтнол, газар шороогоо бүтэн авч үлдсэн хүнийг цагаатгах тухай хулийн төслийг “Сонгуулийн шоу” хэмээн ярьж суугаа нь муу мэдээ. Хоёрт, МАН үнэхээр Б.Бат-Амгалан гэдэг хүний санаачилсан сэдсэн зүйлийг нэр дээрээ зээлж аваад сонгуулийн шоу хийгээд байна уу? Энэ тухай “Ю.Цэдэнбал судлалын төв академи”-ийн Ерөнхий нарийн бичгийн даргаМ.Даваасүрэнтэй холбогдож лавлахад “Б.Бат-Амгалан гэдэг хүн Ю.Цэдэнбал судлалын академид байдаг нь үнэн. Гэхдээ энэ цагаатгах ажлыг санаачлан зохион байгуулаад, гардан гүйцэтгээд байсан юм байхгүй. Энэ бол цэвэр МАН-ын санаачилж, сэдэж, зохион байгуулсан хуулийн төсөл” хэмээсэн юм. Тэгэхээр МАН хэн нэгний санаачилсан зүйлийг зээлдэж аваад сонгуулийн шоу хийсэн зүйл алга. Харин энэ хуулийн төслийг сонгуулийн шоу гэж харагдуулахыг АН-ынхан хүсэж байгаа нь бүр муу мэдээ.
URL:
Сэтгэгдэл бичих
You must be logged in to post a comment.
МАН ЗӨВ ЗҮЙЛ ХИЙЖ БАЙНА ДЭМЖИЖ БАЙНА. ХҮРЭЛБААТАР ГИШҮҮНИЙГ ДЭМЖИЖ БАЙНА
Цэдэнбалыг цагаатгах тухай мэдээ нь өөрөө муу байтугай муухай мэдээ.Цэдэнбал Монгол улсын туогаар тогтнолыг харин чиг үгүй хийж,оросын \зөвлөлтийн\ нэг муж болгох санаачлага гаргаж албан ёсоор биечлэн тавьж байсан тухай баримт түшиж ,ном хэвлэлд бичигдсэнийг “Миний энэ муу хоёр циймэр нүгэл хурааж харсан билээ лоо.” тэгсэн чинь өнөөдөр болохоор ,Монголын тусгаар тогтнолыг авч үлдсэн удирдагч мэдээр “залжээ”. Зөвлөлтийн харьяат болъё гэж очиход нь харин Молотов тоохгүй загнаж,өрөөнөөсөө хөөж гаргаснаар Манай тусгаар тогнол үлдэж,Монголчууд бидний зол болсон байдаг.МАН,МАХН гэсэн хоёр намын толгой хоосорчихсон юм биш үү? Улс орноо удирдах чадвараа нэгэнт алджээ. Энэ хоёр нам ийм юм ярьж байж сонгуульд яллаа юу? Сонгогч бид, энэ хоёрыг “хусдаг” цаг нь одоо иржээ. Иргэдийн доторхи зарим нэг хэсгийн эс ухаарлыг далимдуулан янзан бусын юм санаачилдаг болжээ. Хуучны угшилтай энэ хоёр намыг төрд дахин гаргачихвал “Хохь чинь. Ямар сонгогчид байна тийм хүнийг сонгодог юм” гэж доромжлоод хэлээ гаргаад цаашаа саарал ордон руу орчихвол харин ч нэг цензурдэж хаяна даа. Б.Ринчен абугайн орчуулсан номонд “Хүн ард аа.Би Та нарт хайатай байсан шүү.Сонор соргог байж үзээрэй” гэсэн үг байдаг юмсан.Тэр үг санаанд орж байх чинь.” Цаг төр өө гэж” гэсэн халх үгийг кинон дээр нэг буриад “саг түрөө гэжэ” хэмээсэн нь бодогдоод байх нь вэ,энэ цагийн ёр ч юм уу доо…Муу ёрын цаг болсон юм бишүү? Улс төрийн тавцангаас зулбах болсон энэ хоёр коммунизмын цайз, “үхэхдээ үхэр буугаа тавьж” эхлэв ээ дээ янз нь. Нурах болсон хуучин цайзын цонхоор хашхирагч шинэ үеийн залуус л өрөвдмөөр. Бяц даруулчих вий дээ гэлгийг тэдгээр нялхс эс ухаарна.Ум ма ни бад ми хум.
ter muu garaigaibaatar yu yum be. teneg amitan yu soliorood bgaa yum be