К.Роналду Ла лигийн мэргэн бууч боллоо

Энэ улиралд ямар нэгэн цом хүртэж чадаагүй улиралыг дуусгаж байгаа “Реал Мадрид” клуб талбайдаа “Хетафэ”-г хүлээн авч улирлын сүүлчийн тоглолтондоо 7-3 харьцаатай хожлоо. “Реал Мадрид” энэ улиралд  Испанийн ла лигт 30 ялж, 2 тэнцэж 6 ялагдсан үзүүлэлтээр хүснэгтийн 2-р байранд 92 оноотой бичигдлээ.

Харин тус багийн мэргэн бууч Роналду тус тоглолтонд хэт-трик хийж Ла лигт 48 гоол оруулсан үзүүлэлтээр “Pichichi” буюу мэргэн бууч болох нь тодорхой боллоо. Тэрбээр энэ улиралд нийт 61 гоол оруулсан үзүүлэлтээр нэг улиралд оруулсан гоолын рекордоо эвдэж чадсан юм. “Реал Мадрид”-ын бүх цаг үеийн мэргэн бууч Хосе Рауль Гонзалес 741 тоглолтонд 323 гоол оруулсан байдаг бол К.Роналду 300 тоглолтонд 313 гоол оруулаад байна.