Хөлтэй загасны зураг интернет хэрэглэгчдийг гайхшруулжээ

Америкийн Колорадо мужийн нэгэн нуурын эрэг дээр хөлтэй загастай төстэй сонин амьтны цогцос олджээ. Загас болон гүрвэлийг нэгэн зэрэг санагдуулам уг хачин амьтны зургийг америк эр Бобби Кент интернет форум дээр тавьсан бөгөөд түүнийг ямар амьтан болохыг мэдэх хүн байна уу хэмээн асуусан аж.

Зарим нь үүнийг “бүх амьд биет далайгаас хуурай газарт гарч ирсэн хувьслын бодит үзүүлэн” хэмээн даажигнасан бол зарим нь, уг амьтны олдсон нуур маш ихээр бохирдсон учраас элдэв гажигтай амьтад төрдөг болсон хэмээн таамагласан байна.

Харин нэгэн интернет хэрэглэгч түүнийг мексикийн явдаг загас хэмээн тодорхойлсноор хүмүүсийн толгойн эргээ гарсан бололтой. Иймэрхүү төрлийн загасыг Мексикт үржүүлдэг аж.