Хүн алга болдог аймшигт газрууд

Молебийн гурвалжин

ОХУ-ын Свердловс муж, Пермийн хязгаарын хилийн заагт орших хэсэг газрыг  Молебийн гурвалжин гэж нэрлэдэг байна. 1995 онд эрдэмтэн Валерий Якимов энэ газрыг судлахаар судлаачидтай хамт энэ газар очиж байжээ. Энэхүү 60 хүний бүрэлдхүүнтэй багийнхан агаар мандалд үл мэдэгдэх нисдэг биет гэмээр хачин зүйл олж харсан байна. 1996 онд Максим Шишкин “Уралын мөрдөгч” энэ газарт жуулчид ор сураггүй алга болсон тухай мэдэгдэж байжээ.

Дятловын хавцал

1959 оны хоёрдугаар сард Игорь Дятловын багийнханд эмгэнэлт явдал  тохиосон юм. Уралын политехникийн их сургуулийн оюутан Дятлов есөн  хүний хамт Холат-Сяхылын ууланд авирахаар явжээ. Холат-Сяхыл гэдэг нь мансийск хэлээр “Үхлийн уул” гэсэн үг юм . Хоёрдугаар сарын 15 гэхэд тэд эргэж ирэх байсан ч тэдэнтэй холбоо тасарч хайгуулын баг гаргаж хайж эхэлбэн байна. Гэвч аврагчид тэдний цогцосыг янз бүрийн газраас олсон ч нас барсан шалтгааныг нь одоог хүртэл тогтоож чадаагүй юм.

Череповецийн намаг

Оросын Вологода мужийн намгийн талаар дээр үеэс ам дамжин ирсэн аймшигт түүх домгууд байдаг байна. Энд тодорхойгүй шалтгаанаар олон хүн амиа хорлодог аж. 1972 онд энэ намгийг хүнд механизмаар туулж явсан цэргийн арваад албан хаагч амиа алдаж байжээ. Одоог хүртэл энэ намагт нутгийн иргэд болон жуулчид  алга болсоор байгаа гэнэ.

Чөтгөрийн ангал

Оросын Псков мужийн Ляда тосгоноос холгүй энэ ангал байдаг байна. Хувьсгалаас өмнө л энэ хавьд хүн алга болдог байжээ. 1928 онд ойн аж ахуйн бригад, 1931 онд хэдэн арван чинээлэг тариачин  гэр бүлийн хамт сураггүй алга болж байжээ.  Амьд гарсан тун цөөхөн хүн байдаг ч тэд ой санамжаа алдаж юу ч санахгүй болдог байна. 1974 онд Санкт-Петербургээс мөөг түүхээр явсан хүмүүс бүгд  алга болсон байна.

Энваинетенет

Энэхүү арал Кенид байдаг аж . 1936 онд хамгийн анхны хүн алга болж байжээ. Угсаатан зүй судлаач М.Шефлис, Б.Дайсон нар эндээс сураггүй алга болсон тухай орон нутгийн цагдаагийн архивт хадгалагдан үлдсэн байна. Үүнээс хойш хэдэн арван хүн алга болсон байна. Тэдний гэр, идэж ууж байсан зүйлс, хэрэглэл нь байдаг ч эзэд нь ор сураггүй алга болдог гэнэ.

Үхлийн хөндий

1930 онд анчдын нохой алга болсноор энэхүү аймшигт газрын тухай хүмүүс мэдсэн байна. Нохойгоо хайж явсан анчдын цогцсыг  олоход бүгд үхсэн байжээ. Үхлийн шалтгаан нь амьсгал боогдож үхсэн гэж тодорхойлсон байна. Гэвч  тэр газрын ойролцоо ямар ч өвс ургамал байгаагүй, харин олон амьтан, шувууд үхсэн байжээ. Энэ газрыг судлахаар явсан эрдэмтдийн олон баг эмгэнэлтэйгээр үхсэн байна. 1980 оноос хойш 100 гаруй хүн амиа алдсан байна.

Шушморын балгас

Оросын Владимир, Москва мужийн нутгийн заагт Шушморын гэж нэрлэдэг үл мэдэгдэх балгас байдгийн талаар  элдэв аймшигт домог яриа байдаг. Ойн цоохойд байдаг энэ хагас дугуй чулуун балгасны эргэн тойрон хөвдөөр хучигдсан чулуун баганууд байдаг аж. XIX зууны сүүлчээс энд хүн алга болдог тухай мэдсэн байна.

Үхлийн оршуулгын газар

Тунгусын солир унасны дараа Красноярскийн хязгаарын Карамышево тосгоны ойролцоох энэ газарт  хүн алга болдог гэж хүмүүс ярих болжээ. Эхлээд газарт ангал үүссэний дараанаас л амьтад алга болж эргэн тойрон нь ясаар дүүрсэн нүд хальтрам дүр зургууд харагдах болсон байна.

1983 онд энэ газар судалгаа хийсэн судлаачид нэг хэсэг газар бүхэлдээ шатсан модоор бүрхэгдсэн байсан гэж ярьж байжээ.  Энэ хавьд газар дороос ялгардаг ямар нэгэн хийнээс болсон байж магадгүй гэж үзэж байжээ. Гэвч тэр газар ямар ч багаж, луужин ажиллаагүй байна.Энэ хөндийн нууцыг тайлахаар олон хүн ийшээ явсан ч ихэнх нь амиа алдсан аж. Одоогоор энд 70 гаруй хүн алга болсон гэнэ.

Хар хулсны хөндий

Хятадын өмнөд нутгийн Хэйжуд Хар хулсны хөндий нэртэй нууцлаг газар байдаг байна. Олон жилийн туршид энэ хөндийд хүмүүс сураггүй алга болж, цогцос нь ч олж чаддаггүй аж.

Энэ орчимд аймшигт осол байнга гарч хүмүүс амиа алддаг байна. 1950 онд энд техникийн ямар ч гэмтэлгүй онгоц сүйрч, багийнхан нь аюулын ямар ч мэдээлэл өгөөгүй аж . Статистик мэдээгээр тэр онд гэхэд л 100 гаруй хүн сураггүй алга болсон юм. 12 жил өнгөрөхөд алга бологсдын тоо улам нэмэгдэж, геологи хайгуулын бүхэл бүтэн анги алга болсон бөгөөд 1966 онд цэргийн зураг зүйн отряд тэр чигтээ сураггүй болж байжээ. 1976 онд мод бэлтгэгчдийн тал нь алга болсон гэнэ.

garag.mn