11665 иргэн газартай болжээ

Нийслэлийн иргэдэд цахимаар газар өмчлүүлэх ажлын гуравдугаар ээлж өнөөдөр дууссан. Энэ удаа нийслэлийн 11 байршилд 11665 иргэнд газар өмчлүүлэхээр зарласнаас 15 хоногийн хугацаанд 164 мянга гаруй өргөдөл цахим системд иргэд ирүүлсэн байна.

Өнөөдөр цахим бүртгэлийг хааж, газар өмчлөхөөр бүртгүүлсэн иргэдээс автоматаар сонголт хийснээр 11665 иргэн шинээр газар өмчлөх эрхтэй болж байгаа юм.

Байршлын нэр                         Өмчлүүлэх нэгж талбарын тоо                    Хүсэлт гаргасан 

Сонгинохайрхан дүүрэг, Шижирийн хөндий                496                                34011

Сонгинохайрхан дүүрэг, Шижир уул                          207                                11045

Баянзүрх дүүрэг, Бага улиастайн ам                        134                                30665

Баянзүрх дүүрэг, Богдын давааны ам                       440                                19108

Хан-Уул дүүрэг, Улаан овоот                                     153                                13294

Хан-Уул дүүрэг, Улаан овоот 2                                  367                                10134

Налайх дүүрэг, Нисэх хотхон                                    1936                              24164

Багануур дүүрэг, Булагтай                                        980                                5195

Багануур дүүрэг, Тариат булаг, 2-р хэсэг                 2080                                4136

Багахангай дүүрэг, Хангайн хөндийн 2-р хэсэг         4645                               4020

Багахангай дүүрэг, Хангайн хөндийн 1-р хэсэг         227                                2806

Дээрх газруудад газар өмчлөх эрхтэй болсон иргэд ирэх даваа гаригаас эхлэн харьяа дүүргийн газрын албандаа очиж, өргөдлөө өгч, газар өмчлөх эрхээ баталгаажуулах шаардлагатай юм.

Алслагдсан гурван дүүрэгт газар авахаар сонгогдсон иргэд Хан-Уул дүүргийн Соёлын ордонд байрлах нэгдсэн төв дээр холбогдох бичиг баримтын хамт очиж, бүртгэлээ баталгаажуулах шаардлагатай аж.

Б.Дэжид