Сэтгүүлчид “Казино” Д.Энхбаатарыг гүтгээгүй нь нотлогдлоо

ЗХЖШ-ын удирдлагууд тэдний дундаас “Казино” хэмээх бригадын “Генерал” Д.Энхбаатар өнгөрсөн жил шуугиан тариад байсан БАЙЛДААНЫ ОНГОЦ задалж урд хөрш рүү махлан зарсан гэх хэргийг OLLOO.MN, Монголын мэдээ сонингууд задалж “Сураггүй болсон байлдааны нисэх онгоц “казино” Д.Энхбаатарын гараар оров бололтой” сэдэвтэйгээр нийтэд дэлгэсэн орхисноо. Харин үүний хариуд тус хэвлэл мэдээллийн газруудыг болон сэтгүүлчээс нэр төрд халдсан хэмээн 100 сая төгрөг нэхэмжилж шүүхэд өгсөн нь уржигдар Дүүргийн иргэний хэргийн нэгдүгээр шүүхэд эцэслэн шийдвэрлэгдэж хэрэгсэхгүй болголоо.

Ингэснээр “Оросоос байлдааны “Миг-29” загварын хуучин онгоц худалдаж авах сургаар ашиглалтаас гарсан гэх “Миг-21” онгоцыг задалж, махлан урд хөрш рүү төмрийн хаягдалд ачуулсан байна. “Металл опт” компанийн хашаан дотор 20 гаруй “Миг-21” онгоцны мотор, их биеийг хүнд даацын машинаар ачиж авчиран тайрч, жижиглэж эхэлсэн. Урьд нь Баянзүрх дүүргийн нэгэн айлын хашаанд нэлээд хэдэн ийм онгоцны мотор хадгалж байжээ. Энэ ажилд БХЯ-ны харьяа “Транс сэргэлт” компанийн ажилчид ч оролцсон гэнэ. Байлдааны эдгээр нисэх онгоцуудыг хэрвээ задалж, гадаад улс орон руу төмрийг нь ашиглуулахаар илгээх гэж байгаа бол ОХУ-ын холбогдох мэргэжлийн байгууллагуудаас 1979 оны гэрээний дагуу зөвшөөрөл авах ёстой байсан ч нууцаар задалж зарсан хийгээд ОХУ-ын эличн сайдын газраас тус газарт үзлэг хийхэд санаатайгаар саад болж байсан зэргээр олон арван хэргүүдийг нуун дарагдуулсан нь тогтоогдоод байгаа бололтой.

ЗХЖШ-ын удирдлагууд өнгөрсөн жилүүдээс хууль бус зэвсгийн наймаа, байлдааны нисэх онгоцоо махалж зарсан хэрэгт холбогдон зарим албан тушаалтан нь “аавынд” суун ял эдэлж байгаа билээ. Энэ хэрэг мартагдаж амжаагүй, ял эдэлж буй генерал нь суллагдаагүй байтал дахин нэг байлдааны нисэх онгоцтой холбоотой хэрэг чих дэлссэн төдийгүй шүүхийн шатанд хэргийн гүтгэгдсэн хэмээн үзэж хандсан “Казино” хэмээх Д.Энхбаатарын эсрэг талд гарсан нь уг байлдааны онгоцны хэрэг Бригадын генерал Д.Энхбаатартай ямар нэгэн сэжимээр холбоотой болох нь тодорхой бололтой.

Эх сурвалж www.bolod.mn

ЧОЙ