Ванга эмээгийн зөгнөснөөр Дэлхийн III дайн эхэлчихэв үү?

Хүн төрөлхтний их зөнч гэгддэг Ванга эмээ ийн айлдсан байх юм.
Дэлхийн III дайн 2010 оны 11 дүгээр сард эхэлнэ. Эхлээд жирийн эхлээд сүүлдээ нийтийг хамран өргөжинө. 2014 онд дуусна. Эхлээд цөмийн зэвсэг хэрэглэж, төгсгөлдөө химийн зэвсэг хэрэглэх болно гэжээ.

***
Энэхүү үйл явдал нь дэлхий нийтийг цочроогоод байна. Одоогоор энэ үйл явдал үүссэн нөхцөл шалтгааныг Өмнөд Солонгосын тал Хойт Солонгосынхоо анхааруулгыг үл хайхран хилийн зурваст цэргийн сургууль хийснийг дайн өдөөх хангалттай шалтаг болсон гэж Хойт Солонгосын тал үзэж байна. Өмнө нь мөн Өмнөд Солонгосынхоо шумбагч завийг дэлбэлснээр асуудал хэсэг зуур нэн хурц болоод байсан билээ.

Өмнөд тал энэ байдалд тайван хүлээцтэй хандах эсэх нь тодорхойгүй байна. Талууд аль аль нь эрс хатуу байр суурь илэрхийлж байгаа юм. АНУ-ын цэргийн бааз энэ нутагт байгаа бөгөөд хэрвээ хоёр талын буудалцаан цаашид улам идэвхжих бол АНУ ч зүгээр хараад суухгүй байх гэсэн таамаглал байна. Хэрвээ АНУ энэ хэрэгт оролцоод эхэлбэл Хойт тал цөмийн зэвсгийн нөөцөө ашиглаж ч мэдэх юм. Өмнө мэдээлж байснаар бол Хойт тал АНУ-тай хатуу тэмцэхэд бэлэн бөгөөд тэдний зэвсгийн нөөц, чадвар нь Япон болон АНУ-ын зүүн эрэгт хүчтэй цохилт өгөх боломжтой гэсэн юм.

АНУ энэ хэрэгт оролцвол, Хойт талтай угийн таагүй харилцаатай Япон ч мөн зүгээр суухгүй. Нөгөө талаас цэрэг зэвсгийн нөөц, чадамж хийгээд дэлхий дээрх хамгийн том хүчирхэг армитай, мөн эдийн засгийн асар их чадавхитай болж буй, өдөр ирэх бүр хүч чадлаа мэдрэн өндийж байгаа Хятад Улс нөхцөл байдал хурцадхад Хойт Солонгосын талд идэвхтэй оролцож магадгүй юм. Учир нь Хятад улс Хойт талтай угийн дотно харилцаатай бөгөөд Хятадын улс төрийн бодлого нь Хойт Солонгосыг дэмжих, хамгаалах зарчмаасаа сүүлийн жилүүдэд ч гэсэн өчүүхэн төдий гажаагүй юм. Адилхан Коммунист системтэй Азийн цэрэгжсэн хоёр орны хувьд цэргийн эвсэл болох нь бүр Мао даргын үеэс эхлэлтэй. 50-иад онд Солонгосын хойг дээр болсон дайнд Хятад АНУ болон эвслийн цэргийн эсрэг 1 САЯ хүнтэй армиа оруулж байлдаж байсан түүхтэй төдийгүй Мао даргын улс төрийн гэрээсийн нэг нь Хойт Солонгосын дэглэмийг тууштай дэмжин хамгаалах явдал юм.

Ийнхүү нэгэнт Хятад энэ үйл явдалд татагдан орох аваас хүссэн, эс хүссэн хүрээгээ огцом дэлж, дэлхий нийтийг хамарч мэдэх юм. Хил залгаа ОХУ яухам ямар байр суурь баримтлах нь тодорхойгүй байгаа ч, асуудал дайны хэмжээнд хурцадхад Хойт талыг дэмжих магадлал өндөр. Өмнөх дайнд тэд л чухам Хойт талыг зэвсгээр бүрэн хангаад зогсохгүй эдийн засгийн үлэмжхэн тусламж өгч, бас армийн шилдэг мэргэжилтнүүдээ ч дайнд оролцуулж байсан билээ. 50-иад оны Солонгосын дайн нь угтаа ЗХУ, Хятад, нөгөө талд АНУ толгойтой эвсэлийн хоорондын дайн буюу системийн хоорондын дайн болсон юм.

Харин энэ удаа энэ үйл явдал өргөжвөл даяаршиж буй шинэ зуунд дэлхийд ноёрхох АНУ, Хятад, ОХУ гэсэн их гүрнүүд, тэднийг дагалдагсадын хоорондын дайн болж болох юм. Ийм тохиолдолд НҮБ хийгээд олон улсын хамтын нийгэмлэгийн байгууллагын оролцоо онцын чухал ач холбогдолгүй юм.

Юутай ч дэлхий нийт энэ үйл явдлыг нэн түгшин харж байна. Ванга эмээгийн зөгнөл ер нь ихэнхдээ биелж байсан гэдэг. Гэхдээ хүн төрөлхтний эрүүл саруул хамтын ажиллагаанд найдах нь илүү бодитой болов уу.

****

Хоёр Солонгосын хооронд нэн хурцадмал байдал бий боллоо. Мэдээллийн агентлагын мэдээлж буйгаар 2010 оны 11 сарын 23-ны өдрийн мягмар гаригийн  14 цаг 34 минутад Хойт Солонгосын тал Өмнөд Солонгосын усан хилийн бүс болон Шар тэнгис дэх Ёнпхёндо арал руу их буугаар буудаж эхэлсэн байна. Өмнөд Солонгосын тал хариу гал нээсэн бөгөөд үүний дараа F-16 сөнөөгч онгоцуудаа тухайн бүс нутаг руу илгээжээ.

Түүнчлэн Өмнөд Солонгосын зэвсэгт хүчин байлдааны өндөржүүлсэн бэлэн байдалд шилжсэн болохыг тус улсын Зэвсэгт хүчний ерөнхий штабын хэвлэлийн төлөөлөгч хурандаа Ли Бон Ву мэдэгдлээ. Түүний хэлснээр, арал дээр 200 гаруй их бууны сум туссан байна.

Арлын оршин суугчид болох загасчид голдуу 1300 гаруй хүнийг хоргодох байр руу нүүлгэн шилжүүлж байгаа бөгөөд одоогоор Ёнпхёндо арал дээр 60-70 айлын байшин шатаж, түймрийн дөрвөн томоохон голомт үүссэн гэж Өмнөд Солонгосын YTN телевиз мэдээлж байна. Буудалцааны үеэр БНСУ-ын цэргийн 14 албан хаагч шархдаж, 2 цэрэг амь үрэгджээ.

Үүссэн нөхцөл байдалтай холбогдуулан Өмнөд Солонгосын Ерөнхийлөгч Ли Мён Бак Сеүл хот дахь хоргодох байранд яаралтай хуралдааныг зарлан явуулжээ. Тэрбээр “Хойд Солонгосын үйлдэлд шийдвэртэй хариу өгөхийн хамтаар нөхцөл байдлыг даамжруулахгүй байхыг зөвлөсөн байна” гэж ВВС агентлаг мэдээллээ.

Цагаан ордны хэвлэлийн төлөөлөгчийн мэдэгдсэнээр, АНУ-ын зүгээс Хойд Солонгосын энэхүү үйлдлийг эрс зэмлэн буруушааж, дайсагнасан үйл ажиллагаагаа зогсоохыг шаардсан байна.

“Шар тэнгист БНАСАУ болон БНСУ-ын хооронд мөргөлдөөн гарсан явдалд Хятад улс сэтгэл түгшиж байна” хэмээн БНХАУ-ын ГХЯ-ны албан ёсны төлөөлөгч Хун Лэй өчигдөр болсон хэвлэлийн бага хурал дээр мэдэгдээд цөмийн зэвсгийн асуудлаарх зургаан талын хэлэлцээрийг сэргээх шаардлагатайг онцлон тэмдэглэсэн байна.

Японы Ерөнхий сайд Наото Кан бүх яам болон агентлагуудын удирдлагуудад хандан Солонгосын хойгт болсон зэвсэгт мөргөлдөөний талаарх мэдээллийг шуурхай цуглуулан үйл явдал цаашид ямар ч байдлаар өрнөсөн бэлэн байдалд байхыг даалгасан байна. Тэрбээр Батлан хамгаалахын сайд Ёсито Сэнгоку болон танхимын бусад гишүүдтэйгээ яаралтай зөвлөгөөн хийжээ. Японы ГХЯ – ны төлөөлөгч мэдэгдэхдээ, ” энэ бол Хойд Солонгосын зүгээс хийж буй өдөөн хатгалга” гэжээ. Японы Ерөнхий сайдын тамгын газрын дэргэд үүссэн хямралыг ажиглах зорилгоор Мэдээлэл – зохицуулалтын төв байгуулжээ.

МОНЦАМЭ агентлагийн сурвалжлах хэсэг Монгол улсад суугаа БНАСАУ – ын Элчин сайдын яаманд хандан үүссэн нөхцөл байдалтай холбогдуулан мэдээлэл өгөхийг хүссэн боловч тус яамны зүгээс одоогоор ямар ч мэдээлэл байхгүй гэсэн хариу өгсөн байна.

Гэхдээ Хойд Солонгосын цэргийнхэн дараахь мэдэгдлийг хийснийг ВВС агентлаг уламжилсан байна. ” Өмнөд Солонгосын дайснууд бидний удаа дараагийн анхааруулгыг үл хайхран Ёнпёонг арлын орчмын тэнгисийн нутаг дэвсгэр рүү их буугаар гал нээн өдөөн хатгалга үйлдлээ. Хэрэв Өмнөдийн дайснууд бидний тэнгисийн нутаг дэвсгэрээс сөөм төдийг ч булаан эзлэхийг оролдох аваас бид ямар ч эргэлзээгүйгээр давшилтаа үргэлжлүүлэх болно” хэмээн уг мэдэгдэлд дурдсан байна.

***

Тодруулга: Шар тэнгист орших Өмнөд Солонгосын Тэ – Ёнпхёндо, Со – Ёнпхёндо, Пэннёндо, Тэ – Чхондо болон Со – Чхондо гэсэн таван арал нь 1953 оны гал зогсоох хэлэлцээрийн дагуу тогтоосон 38-р өргөрөгөөс нэлээд зайтай оршдог байна. Эдгээр арлын орчимд нэг бус удаа зөрчилдөөн, буудалцаан болж байжээ. Энэ оны гуравдугаар сарын 26 – нд Ёнпхёндо арлын ойролцоо явж байсан Өмнөд Солонгосын ” Чхонан” гэдэг харуулын хөлөг онгоцыг Хойд Солонгосын тал торпедоор буудан живүүлсний улмаас 46 цэрэг амь үрэгджээ.