Хүлээлт үүсгээд байгаа “Fifty Shades of Grey” киноны дараагийн ангиуд гарна

Британийн зохиолч И.Л.Жамесийн “Грейгийн амьдралын 50 сүүдэр” зохиол уран сайхны кино болон дэлгэцнээ амилах үед монголын гэлтгүй дэлхийн олон хүмүүсийн сонирхлыг ихээхэн татсан билээ. Түүгээр ч зогсохгүй зарим нэгний хувьд кинон дээрх үйл явдлыг амьдрал дээр хэрэгжүүлэх хүсэл төрсөнөөс үүдэн гэмт хэрэг хүртэл гарсан байдаг. Хүний сэтгэхүйд гэнэтийн гэмээр сонин өвөрмөц  үйл явдлаараа нөлөөлсөн уг киног үзсэн үзэгчид дахин үзэх хүсэлд автсан гэдэг. Тэгвэл тус киноны дараа дараагийн анги болох “Fifty Shades Darker” 2017 оны 2-р сарын 10-ны өдөр, 3-р анги болох “Fifty Shades Freed” 2018 оны 2-р сарын 9-ний өдөр тус тус нээлтээ хийхээр төлөвлөгдсөн байгаа ажээ.