Г.Шийлэгдамба сайд TV9-ийг тэтгэнэ

Японы шашны байгуул­лагаас Гандан­тэгчинлэн хийдэд бэлэг­лэсэн гэх теле­визийн тоног төхөө­рөмжийг экс Ерөн­хий­лөгч, МАХН-ын дарга Н.Энхбаяр хувьдаа зав­шиж, TV9 телевизийг бай­гуулсан тухай дээр доргүй шуугиж, улмаар түүнд эрүү­гийн хэрэг үүсгэж, ял­лаж байсан билээ.

МАХН-ынхаа нэрийг авч тусдаа нам бай­гуулсан Н.Энхбаярын бие илааршсан хэдий ч Ерөнхий сайд асан Н.Алтанхуягийн тархийг угааж 2024 он хүртэл АН-тай хамтарч ажиллах гэрээнд гарын үсэг зурсныхаа төлөө эх орон­доо байж суух газаргүй болсон. Түүний далдын хүч, зөн совинч байдал, улс төрийн онч мэргэн хараа зэрэг нь эрх барьж буй хоёр том намыг ихэд айлгасан нь тодорхой.

Бүхэл бүтэн намын дар­гын­хаа тархийг алсын зайнаас атгуулсандаа АН-ынхны дургүй нь хүрч, улмаар ганхаж байсан Шинэчлэлийн Засгийн газрыг тэр чигээр нь уна­гах сайхан боломж бүрд­сэн юм. Энэ нь мэдээж хэрэг Н.Энхбаярт ач тусаа өгөхөөс илүү муугаар тусаж, харин түүний анх зарласан МАНАН да­хин шинээр “татахад” хүр­гэжээ. Ийнхүү дархан мэхээ хийсэн биш давхар тон­горуулж, өнгөрсөн Цагаан сараар эх орондоо ирж золголт хийсний да­раа их улс төрд орох бэлтгэл ажилдаа га­рахаар төлөвлөсөн нь ха­рин талаар болов. Энэ бүхэн Цагаан сарын ба­рилдаанаас үүдэлтэй юм.

Түүний “эгэл олноо” гэх сэтгэл буюу үзэгчдийн дунд сууж бөх үзсэн явдал олон хүнд эвэртэй туулай үзсэн мэт сэтгэгдэл тө­рүүл­жээ. Тиймээс ирэх жилийн сонгуулиар “зо­дог­лохоор” шийдсэн Н.Энхбаярыг эртхэн шиг унагаж авахын тулд АТГ-аас авахуулаад дахин янз бүрийн асуудлаар эрүү үүсгэн шалгахаар болмогц арга буюу тэрбээр Солонгос Улсыг зорив. Харин түүний үнэнч албат Г.Шийлэгдамба өмнө нь жийгдсэн нам нэгт бусад сайд нарыгаа бодвол “хон­шоортой” эр гэдгээ ха­руулж, улмаар Н.Удвал сайдын оронд Эрүүл мэндийн сайд болж амжив. Чингээд зогсохгүй тэрбээр даргынхаа эзэмшлийн TV9 телевизтэй хамтарч “Сумын эмч” нэртэй олон ангит киног хийж, төс­вийн хөрөнгөөр санхүү­жүүлэхээр болжээ. Одоо­гоор зохиолын судалгаа хийгдэж байгаа бөгөөд сонгуулиас өмнө энэ кино олны хүртээл болох юм.

Ийнхүү шийр зааж үлдсэн “Шилэгдмэл сайд” Г.Шийлэгдамба намынхаа квот бүхий сайдын суу­далд очмогц даргадаа хариуг нь барьж эхэлжээ. Энэ байдлаас харвал тэр үнэхээр хол явах нь тодорхой. Ялангуяа 2016 оны сонгуулиар МАХН-ын жаг­саалтад тэргүүн эгнээнд бичигдэж Ч.Улаан, О.Чулуунбат, Н.Удвал, О.Баасанхүү нараас дээ­гүүр жаалж, “Эрхэм гишүүн” хэмээх сэтрийг зүүчихсэн явбал эрхэм та бүү гай­хаарай даа.