Сайд Н.Төмөрхүү 17 байртай гэж мэдүүлжээ

АТГ-аас төрийн алба хаагчдын хөрөнгө орлогын мэдүүлгийг ил тод дэлгэрэнгүйгээр гаргасан байгаа билээ. Гишүүд, сайд нар бүгд хөрөнгөө мэдүүлсэн байгаа аж. Тэдний дундаас хамгийн ихээр анхаарал татаад байгаа хүн бол яах аргагүй МАН-аас угшилтай, Зам тээврийн сайд Н.Төмөрхүүгийн хөрөнгө орлогын мэдүүлэг юм.

Зарим гишүүд байр савгүй гэж мэдүүлсэн байтал Н.Төмөрхүү 17 байр эзэмшдэг гэж мэдүүлжээ. Хоёрхон сарын өмнө Улсын бүртгэлийн ерөнхий газраас хамгийн олон орон сууц эзэмшдэг хүмүүсийн жагсаалтыг гаргасан байсан. Монгол Улсын хэмжээнд хамгийн олон орон сууц эзэмшдэг хүн 68 байртай байна. Өөрөөр хэлбэр нэг иргэн хувьдаа 68 байртай гэсэн үг.

Улсын хэмжээнд 20-иос дээш орон сууц эзэмшдэг найман иргэн байгаа бол 10-20 орон сууц эзэмшдэг 80 хүн байгаа аж. Тэдний нэг нь яах аргагүй сайд Н.Төмөрхүү болж таарав. /викимон.мн/