Иргэдэд олддоггүй газар Засаг даргын хамаатанд ингэж олгогддог /баримтат мэдээлэл/

Монгол улсын иргэн хуульд зааснаар 0.07 га газар эзэмших эрхтэй. Гэвч энгийн иргэдийн хувь газар авна гэдэг “харганы ноос түүж эсгий” хийхтэй адил хэцүү хэрэг болсон гэж иргэд ярьдаг. Учир нь төрийн албаны хүнд суртал, “гар  харсан” байдал нь иргэдийг хуулийнхаа дагуу газар эзэмших хүсэлтийг нь мохоодог. Жирийн иргэн газар эзэмших, өмчлөхийн тулд асар их бичиг баримт бүрдүүлж,  төрийн албаныханы хүнд суртал, олон арван  “даваа нугачааг” туулж байж сая нэг бүтдэг бол албан тушаалтанд ойр, тэдний ах дүү хамаатан садны хувьд газар авна гэдэг “алга урвуулах”-ын төдий амар хялбар зүйл байдаг бололтой. Иргэдэд тэр бүр амар хялбар  олдоод байдаггүй  0.07 га газар нь дарга нарын хамаатнуудын хувьд хэдэн арван  га–аар шийдвэрлэгдэж, захирaмж шийдвэр нь  түргэн шуурхай  гардаг үйлдэл нь  хууль ёсыг уландаа гишгэсэн хэрэг биш гэж үү…

Сүүлийн үед төсвийн хөрөнгийг хувьдаа завьшсан гэдгээр АТГ-ын үүдийг сахих болсон Налайх дүүргийн Засаг дарга Х.Болдбаатар нь  өөрийн ойр дотны хүмүүс, Засаг даргын орлогч Ч.Одонхүүгийн хамаатан саданд болон дүүргийнхээ хууль шүүх, прокурорын дарга нарт хэрхэн, хэдэн га газар олгосон тухай мэдээллийг баримтанд түшиглэн хүргэе.

Налайхын Засаг дарга Х.Болдбаатарын хувьд иргэд аж ахуйн нэгжид худалдаа, үйлчилгээ, аж ахуйн зориулалтаар  газар олгохдоо холбогдох хуулийг баримтлаагүй, дуудлага худалдаа явуулхахгүй, төсөл сонгон шалгаруулалт хийлгүйгээр  газар эзэмших эрхийг олон арван аж ахуйн нэгжид олгосны улмаас өнөөдөр Нийслэлийн төсөвт 17.1 тэрбум төгрөгийн хохирол учруулаад байгааг Аудитын байгууллага тогтоожээ. Түүний энэ үйлдэл нь АТГ болон ЦЕГ-ийн Зохион байгууллаттай гэмт хэрэгтэй тэмцэх газар  20152….. дугаартай эрүүгийн  хэрэг үүсгэгдэн шалгагдаж байна.  

Гэтэл ингэж хууль зөрчин, гэмт хэргийн шинжтэй  захирамж шийдвэр  гаргаж байсан   Засаг дарга одоо болтол ажлаа хийсээр байгаа нь байж болох зөв үйлдэл мөн гэж үү Нийслэл хотын дарга Э.Бат-үүлээ…

Ц.Мөнх