Эд хөрөнгө хураах ялын бодит биелэлтийг эрчимжүүлэх сарын аян явагдаж байна

Шүүхийн шийдвэр гүйцэтгэх ерөнхий газрын Шийдвэр гүйцэтгэх газраас улсын хэмжээнд “Эд хөрөнгө хураах ял”-ын бодит биелэлтийг эрчимжүүлэх 1 сарын аяныг 04 дүгээр сард зохион байгуулж байгаа аж.

Аяны хүрээнд эд хөрөнгө хураах ялын бодит биелэлтийг нэмэгдүүлэх, хорих ангид үндсэн ялаа эдэлж буй нэмэгдэл ялтай ялтнуудын эд хөрөнгө хураах ялыг шуурхай барагдуулах ажиллагааг хорих анги, шийдвэр гүйцэтгэх албадтай  хамтран зохион байгуулж байна. Мөн Улсын ерөнхий прокурорын газартай хамтран шүүхээс эд хөрөнгө хураах ялын гүйцэтгэх хуудас бичигдээгүй, хорих ангид үндсэн ялаа эдэлж буй 200 гаруй ялтанд холбогдох эд хөрөнгө хураах ялын гүйцэтгэх хуудсыг нөхөн бичүүлэх ажлыг эхлүүлжээ.