УИХ-ын дарга З.Энхболд сэтгүүлчийг яллуулав!!!

УИХ-ын дарга З.Энхболд МҮОНРТ-ийн ерөнхий захирал асан М.Наранбаатарыг  “Нэр төр, алдар хүндэд нь халдсан, өш хонзонгийн сэдлээр асуудалд хандсан” гэх үндэслэлээр шүүхэд өгч, гомдол гаргаснаар зарга эхэлсэн билээ.

Хэдийгээр М.Наранбаатар УИХ-ын дарга З.Энхболдоос ОНХМХ – ээр дамжуулан уучлал гуйсан байсан ч түүнийг нь тэрээр хүлээж авахаас татгалзсан юм.

Дүүргийн хэргийн анхан шатны II шүүх энэ гомдолыг  шүүж,  “М.Наранбаатарыг буруутай” гэж үзлээ. Түүнд хөдөлмөрийн хөлсний доод хэмжээг 51 дахин нэмэгдүүлсэнтэй тэнцэх хэмжээний мөнгөөр буюу 9.9 сая төгрөгөөр торгох ял оногдуулав. Шүүгчээсээ татгалзах М.Наранбаатарын хүсэлтийг үл харгалзан ийнхүү хүч түрэмгийлэн шүүж ялалжээ. Хаалттай болсон тухайн шүүх хурлыг улс төрчийн захиалгат хэлмэгдүүлэлт гэж үзэх олон нийт байгаа нь нууц биш.

Сэтгүүлчийг хэлсэн үгнийх нь төлөө ийнхүү шийтгэсэнд хэвлэл мэдээллийн салбарынхан таагүй хандаж байгаа бөгөөд “Хэвлэл мэдээлэл, сэтгүүлчдэд халтай улс төрчөөр З.Энхболд” тодорлоо.