Дэлхийн хурд “Өргөө кино театр”-т

Найруулагч Жастин Лины алдарт “Хэт хурдан, хэт догшин” уран сайхны киноны “Галзуу хурд-7” шинэ анги нь Өргөө кино театрт өчигдөрхөн нээлтээ хийлээ. Уг кино нь машины  түүх, хурд хүчийг гайхалтай уран сэтгэмжээр үзэгчдийн хүртээл болгосон.

Тиймдээ ч дараагийн анги ямар байх бол гэж тэсэн ядах  дэлхийн үзэгчдийг удаан хүлээлгэлгүй дараа дараагийн ангиудыг ар араас нь дэлгэцийн хүртээл болгоод байна.

Дэлхийн нээлтийг монголдоо  үзэх боломжийг бидэнд олгосон “Өргөө кино театр”  тус киноны нээлтийг монголын хамгийн үнэтэй машинуудын парад, дрифт шоуг  оролцуулан томоохон хүрээнд зохион байгуулсан юм.

Үүнээс гадна нээлтэнд ирсэн хүмүүсээс нэг залууг азтанаар тодруулан хүссэн үедээ, дуртай киногоо хосоороо үзэх эрхээр шагналаа.  Ингээд “Өргөө кино театр”-ын Дэлхийн хурдыг монголдоо мэдрүүлсэн нээлтийн зурагнуудыг сонирхоно уу.

Бичсэн:Э.Намуунзаяа