Огноо: 2015/4/9 8:45:32

Нийслэлд энэ онд 14 байршилд 91 тэрбумаар замын ажил гүйцэтгэнэ

Нийслэлийн Авто замын газар, энэ онд хэрэгжүүлэх авто зам, замын байгууламжийн зураг төсөл, барилгын ажлын гүйцэтгэгч байгууллагуудын уулзалт өчигдөр боллоо. Уулзалтыг нээж нийслэлийн Засаг дарга бөгөөд Улаанбаатар хотын захирагч Э.Бат-Үүл “Зам барилгын бүтээн байгуулалт хийдэг аж ахуй нэгжүүд, хувийн хэвшлүүдтэйгээ уулзаж энэ онд хийгдэх замын ажил, худалдан авах үйл ажилгааны талаар мэдээллийг нарийвчлан өгч, санал солилцдог энэ уулзалтаа жил бүр уламжлал болгон зохион байгуулж байгаадаа таатай байна. Өнгөрсөн 2012-2014 онд нийслэлд 81,9 км авто зам, 144,9 км автозамыг өргөтгөж шинэчилсэн. 654,9 урт метр төмөр бетон гүүрийг шинээр барьж, 380,7 урт метр гүүрийг өргөтгөн шинэчлэж, явган хүнд зориулсан 3 гүүрэн гарц, 1 нүхэн гарц, төмөр зам доогуур 2 байршилд нүхэн гарц зэрэг бүтээн байгуулалтын ажлыг тус тус хийсэн байна. Хийсэн ажлаа 2008-2012 онтой харьцуулахад хөрөнгө оруулалт 4,1 дахин их хийгдсэн. Хийсэн замын уртаар үзвэл 3 дахин урт замыг хийсэн байна. Зам барилгын бүтээн байгуулалтын ажлыг хариуцлагатай хийсэн та бүхэндээ нийслэлчүүдийнхээ өмнөөс талархал илэрхийлье. Энэ жил өмнөх жилүүдийхээс илүү хүнд ачаалалтай жил болно. Эдийн засаг саараад ажилгүйдэл ихэсч байгаа энэ хүнд үед нийслэлээс ажлын байрыг бий болгох, хөрөнгө оруулалтыг нэмэгдүүлэх зорилгоор төсвөө тэлж НИТХ-аар баталсан. Тэгэхээр өнгөрсөн жил Улаанбаатарын баруун тэнхлэгийн замыг сайжруулж тэлсэн бол энэ жил зүүн чиглэлийн замуудыг сайжруулж шинэчлэх зорилт тавьж ажиллана. Өөрөөр хэлбэл шахуу ажиллаж 10 сар гэхэд зам барилгын ажлаа дуусгана. Энэ жил “Найрсаг Улаанбаатар” хөтөлбөрийн эхний жил юм. Тиймээс энэ онд Улаанбаатар хотод том том фестиваль, арга хэмжээнүүд болно. Мөн жуулчид маш ихээр ирнэ” гэдгийг онцоллоо.

Мөн энэ үеэр Нийслэлийн Авто замын газрын дарга Д.Нанзаддорж 2015 онд Улаанбаатар хотод хэрэгжүүлэх замын ажлаа танилцуулж, цаашлаад компаниуд юунд анхаарах талаар хэлэлцлээ. Энэ онд нийслэлийн хэмжээнд 91.5 тэрбум төгрөгөөр нийт 14 байршилд зам барилгын ажил хийнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Он дамжин хэрэгжиж байгаа ажил

Нарны замыг 19-н арын замтай холбох 1,5 км авто зам, замын байгууламжийн 58 у/м гүүр болон төмөр зам доогуурх нарны замтай холбогдсон 22 м туннелийн хамт барих ажил
Нарны замаас Саруул хотхон хүртэл 0,24 км авто зам, 55 у/м гүүрийн барилгын ажил
Өлзийт хороолол био комбинат шувуун фабрик чиглэлийн 9,06 км авто замын барилгын ажил

Нийслэлийн төсвийн хөрөнгөөр хэрэгжүүлэх ажил

Сонсголонгийн гүүрээс Яармагийн зам хүртэлх гэр хорооллын арын 4,4 км авто замын ажил
Баянзүрх дүүрэг, Улиастайн уулзвараас Гачуурт чиглэлийн 11.0 км авто замын засварын ажил.
22-ын хуучин уулзвараас мал бордох 1.7 км автозам
Дамбадаржаагийн уулзвар – Шаргаморьтын төмөрбетон гүүр – Хандгайт чиглэлийн 16,35 км авто замын өргөтгөл, шинэчлэлтийн ажил
1. Багц-1: Дамбадаржаагийн цагдаагийн посттой уулзвараас Шадивлангийн шинэ уулзвар хүртэл 5,0 км авто зам /ПК0+000 – ПК5+000/
2. Багц-2: Шадивлангийн шинэ уулзвараас Шаргаморьтын уулзвар хүртэл 4,6 км авто зам /ПК5+000 – ПК9+600/
3. Багц-3: Шаргаморьтын уулзвараас Хандгайтын зам хүртэл 6,75 км авто зам /ПК9+600 – ПК16+350/
4. Багц-4: Шаргаморьтын 50 у/м төмөрбетон гүүрийн барилгын ажил /ПК8+815/
5. Багц-5: Авто замын гэрэлтүүлэг болон авто замын трасст орсон 0,4 – 10 кВ-ын ЦДАШ-ыг зөөх ажил

Замын сангийн хөрөнгөөр хэрэгжүүлэх ажил

2.2 Авто зам, замын байгууламжийн засвар, арчлалт
2.2.1	Хотын авто зам, замын байгууламжийн засвар, арчлалт	4,000.0	4,000.0
2.2.2	Баянгол дүүргийн хороолол доторхи зам засвар	1500	1500
2.2.3	Баянзүрх дүүргийн хороолол доторхи зам засвар	1500	1500
2.2.4	Сонгинохайрхан дүүргийн хороолол доторхи зам засвар	1500	1500
2.2.5	Сүхбаатар дүүргийн хороолол доторхи зам засвар	1500	1500
2.2.6	Хан-уул дүүргийн хороолол доторхи зам засвар	1500	1500
2.2.7	Чингэлтэй дүүргийн хороолол доторхи зам засвар	1500	1500
2.2.8	Багануур дүүргийн хороолол доторхи зам засвар	200	200
2.2.9	Налайх дүүргийн хороолол доторхи зам засвар	200	200
2.2.10	Багахангай дүүргийн хороолол доторхи зам засвар	85.9	85.9
2.2.11	Авто замын хөдөлгөөн зохицуулах гэрэл дохио, техник хэрэгсэл шинээр тавих, засварлах ажил	1,500.0	1,500.0
2.2.12	Гүүр, хоолой, туннеллийн засвар шинэчлэлтийн ажил	500.0	500.0
2.2.13	Авто замын тэмдэг, хайс тоноглолын ажил	500.0	500.0
2.2.14	Авто замын тэмдэглэгээний ажил	1,500.0	1,500.0
2.2.15	Замын ус зайлуулах шугам, худгийн засвар	500.0	500.0
2.2.16	Нийтийн тээврийн хэрэгслэлийн зориулалтын зогсоол	300.0	300.0
2.2.17	Багануур дүүргийн авто замын засвар	167.2	167.2
2.2.18	Багахангай дүүргийн авто замын засвар	22.7	22.7
2.2.19	Налайх дүүргийн авто замын засвар	167.6	167.6
2.2.20	Замын хөдөлгөөний зөрчил илрүүлэх болон авто замын хяналтын телекамер суурилуулах /1,3,4,10-р хороололд, Хар хорин зах, СУИС-ийн урд, Яармагийн гүүр, Офицеруудын ордоны аюулгүйн тойрогт/	2,678.0	2,678.0
2.2.21	Замын хөдөлгөөний удирдлагын төвийн сервер, сүлжээ, шилэн кабель, тоног төхөөрөмж	375.0	375.0
	Дүн 2.2	21,696.4	21,696.4
2.3 Бусад

Монел Зүүн Алтан-өлгийн 0.33км авто зам
Чингэлтэйн гудамж, 7 буудлын уулзвараас Чингэлтэйн эцэс хүртлэх 3,3 км авто замын өргөтгөл, шинэчлэлт
Нийтийн тээврийн угсраа автобусны эргэлтийн талбай засварлах ажил

Хөгжлийн банкны санхүүжилтээр хэрэгжүүлэх ажил
Сонгинохайрхан дүүрэг, Орбитын уулзвараас- Үйлдвэрчний эвлэлийн гудамж хүртэлх 3,6 км авто зам барилгын ажил
Концессоор хийгдэх ажил

Нисэхийн эцсээс Сонсголонгийн гүүр хүртлэх гэр хорооллын арын 1.6 км авто зам
Улиастайн уулзвараас Баянзүрхийн шалган бүртгэх товчоо хүртэлхи 3.4км авто зам болон Баянзүрхийн 288 у/м төмөрбетон гүүр
Улаанбаатар хот, чингэлтэй дүүрэг, гүнтийн даваа чиглэлийн авто замаас ар гүнтийн зуслан хүртэлх 7,36 км авто замын барилгын ажил
Өвөр гүнтийн 11 км авто замын ажил

Дүүргийн орон нутгийн хөгжлийн сангийн хөрөнгө

Баянгол хүүхдийн зуслангийн 1,2 км авто зам барих ажил
Баянгол дүүрэг, 18-р хорооны 47-р байрнаас 13-р цэцэрлэг хүртэлх авто зам барих ажил
Хан-Уул дүүрэг 2 дугаар хороо, 19 хорооллын нэхмэлийн шарын автобусны буудлын баруун хэсгээр, Чингисийн өргөн чөлөөний төв зам дээгүүр барих явган хүний гүүрэн гарцын ажил

URL: