Тэнсэнгээр суллагдсан 1392 хүн байна
“Хорих ялаас хугацааны өмнө тэнсэн суллагдсан болон хорих ял нь тэнсэгдсэн, шүүхийн шийтгэх тогтоол биелүүлэхийг хойшлуулсан этгээдэд тавьж байгаа хяналтыг сайжруулах” сэдэвт зөвлөгөөнийг Улсын ерөнхий прокурорын газрын Ял эдлүүлэх ажиллагаанд хяналт тавих хэтлэстэй хамтран Нийтийн хэв журам хамгаалах газраас зохион байгууллаа.
Зөвлөгөөн нь хорих ялаас хугацааны өмнө тэнсэн суллагдсан болон хорих ял нь тэнсэгдсэн, шүүхийн шийтгэх тогтоол биелүүлэхийг хойшлуулсан этгээдэд хяналт тогтооход хууль, журмыг нэг мөр ойлгож, зөв хэрэглэх, хяналт тавих үйл ажиллагааг сайжруулах, хуулийн хэрэгжилтийг эрчимжүүдэх, практикт гарч буй бэрхшээл, тулгамдсан асуудоыг хэлэлцэх, ажлын уялдаа, холбоог сайжруулах, харилцан туршлага солилцох, алба хаагчдад зааварчилга, зөвлөмж өгөх зорилгоор зохион байгуулагдсан юм.
Зөвлөгөөнд ЦЕГ-ын Нийтийн хэв журам хамгаалах газар, Улсын Ерөнхий Прокурорын газрын Ял эдлүүлэх ажиллагаанд хяналт тавих хэлтэс, Нийслэлийн Прокурорын газрын хяналтын прокурорууд, Шүүхийн Шийдвэр гүйцэтгэх ерөнхий газрын болон Улаанбаатар хотын цагдаагийн газрын нийт 450 гаруй ажилтан, алба хаагч нар оролцлоо.
Цагдаагийн байгууллага нь гуравдугаар сарын хоёрны байдлаар ШШГЕГ-ын харьяа хорих ангиудаас хорих ял эдлээд суллагдсан 378, тэнсэн суллагдсан 1392, хорихоос өөр төрлийн ял шийтгэлтэй 4011, нийт 5781 хүнд захиргааны хяналт тогтоон ажилласны дотор насанд хүрээгүй 182 хүн байна.
URL:
