Гарнетт, Данкан, Кобе гурав
Спортын өрсөлдөөн гэдэг хамгийн шударга, жинхэн ур чадвар, хүч чадлаараа нэр алдарт хүрдэг зам билээ. Нэгэн цаг үед гарч ирсэн олон шилдэг тамирчдын өрсөлдөөн дэлхийн олон хүмүүсийн сонирхлыг татдаг. Манай улсад ч гэсэн нэгэн үед төрөн гарч ирсэн үндэсний бөхийн гайхамшигт дархан аваргууд болох “Хоёр мөнх”-ийн өрсөлдөөнийг одоо ч бөх сонирхогчид дурсан ярьдаг.
Харин далайн чанадын мэргэжлийн сагсан бөмбөгийн түүхэнд 1990-ээд оны дундуур гурван шилдэг сагсан бөмбөгч орж ирсэн нь манай залуучууд төдийгүй дэлхийн олон мянган үзэгчдийн бахархал болсон. Тэд бол К.Брайант, Т.Данкан, К.Гарнетт билээ. Цагтаа энэ гурав NBA-ийн өнгийг тодорхойлж явсан. Харин өнөөдрийн хувьд К.Брайант гэмтлийн улмаас улирлыг өнжсөн бол К.Гарнетт алдрын замналаа эхэлсэн “Миннесота Тимбер Уолвез” багтаа эргэн очсон. Мөн Т.Данкан “Сан Антонио Сперс” багт 18 дахь улиралдаа тоглож байна.
20 орчим жил мэргэжлийн сагсан бөмбөгийн лигт тоглохдоо Коби, Тими, Кевин гуравуул бараг бүх үзүүлэлтээр эхний 50-д багтсан нь ямар шилдэг тоглогч болохыг нь харуулж байгаа юм. Тэдний аялал өнөөдөр ч үргэлжилсээр. Кобе Брайант, Тим Данкан, Кевин Гарнетт нарын амжилтыг хүснэгтээр харуулав.
| Тоглогчийн нэр | К.Брайант | Т.Данкан | К.Гарнетт |
| Тоглосон жил | 1996 оны драфтын эхний бүсийн 13 дахь сонголт (19 жил) | 1997 оны драфтын эхний бүсийн 1 дэх сонголт (18 жил) | 1995 оны драфтын эхний бүсийн 5 дахь сонголт (20 жил) |
| Нийт авсан оноо | 32,482 (бүх цаг үеийн гуравт) | 25,809 (бүх цаг үеийн 16-д) | 25,949 (бүх цаг үеийн 14-т) |
| Самбараас бөмбөг авалт | 14,544 (бүх цаг үеийн 8-д) | 15,512 (бүх цаг үеийн 9-т) | |
| Оновчтой дамжуулалт | 6122 (бүх цаг үеийн 30-д) | 5383 (бүх цаг үеийн 47-д) | |
| Бөмбөг таслалт | 1882 (бүх цаг үеийн 14-т) | 1831 (бүх цаг үеийн 16-д) | |
| Блок-шот | 2915 (бүх цаг үеийн 6-д) | 2027 (бүх цаг үеийн 17-д) | |
| Аваргын авсан тоо | 5 удаа аварга, 2 удаа финалын MVP | 5 удаа аварга, 3 удаа финалын MVP | 1 удаа аварга |
| NBA-ийн онцлох амжилт | 1 удаа улирлын MVP, 17 удаа бүх оддын тоглолтын гишүүн, 4 удаа MVP | 2 удаа улирлын MVP, 15 удаа бүх оддын тоглолтын гишүүн, 1 удаа MVP | 1 удаа улирлын MVP, 15 удаа бүх оддын тоглолтын гишүүн, 1 удаа MVP |
| Шигшээ багийн амжилт | 2008, 2012 оны зуны Олимпийн алтан медаль | 2004 оны зуны Олимпийн хүрэл медаль, Америк тивийн хошой аварга | 2000 оны зуны Олимпийн алтан медаль, 1999 оны Америк тивийн аварга |
Тайлбар: Хүснэгтийн хоосон зайнд байх ёстой үзүүлэлт нь өөрчлөлттэй байгаа
Э.Гүнтөмөр
mongolcom.mn
URL:
