Дуучин Ч.Анугийн дүү Ч.Номинхолбоо бизнесүүдийг “дугаарлуулж” байна

Уран бүтээлээ нэгмөсөн орхиж, хувийн амьдралдаа анхаарлаа хандууллаа хэмээн фэнүүдийнхээ сэтгэлийг гонсойлгосон дуучин Ч.Ану цахим ертөнцийн тун ч идэвхтэй хэрэглэгч.

Тэрбээр өдгөө эрхэлсэн ажилгүй байгаа ч хэрэглэсэн бүтээгдэхүүн бүрээ цахим хуудсаараа дамжуулан сурталчилдаг учир бараг л бүгдийг нь бэлгэнд авчихдаг гэнэ. Тэгвэл түүний дүү Ч.Номинхолбоо нэгэн үе фото моделийн карьерь хөөсөн ч амжилтанд хүрээгүй учир эгчийнхээ замаар замнахаар шийдсэн бололтой.

Өөрөөр хэлбэл, тэрбээр цахим ертөнцийн бас нэгэн рекламчинаар тодроод байгаа аж. Үзэсгэлэнт царай, гоолиг биеэрээ олны анхаарлыг аргагүй татдаг эгч дүүсийн сурталчилсан бараа ч үнэхээр борлуулалт сайтай байдаг гэнэ. Тиймээс ч тэдэнд бүтээгдэхүүнээ бэлэглэх бизнесмэнүүд өдрөөс өдөрт олширч, бараг л оочёр үүсгээд байгаа сурагтай.

www.mnews.mn