Ираны цөмийн асуудлаарх шинэ ээлжийн хэлэлцээ үр дүнгүй өндөрлөв

Ираны цөмийн асуудлаарх Америк, Их Британи, Франц, Орос, Хятад, Германы 6 талын шинэ ээлжийн хэлэлцээ 20-нд Швейцарын Лусан хотноо үр дүнгүй өндөрлөв. Тус хэлэлцээгээр ямар ч тохиролцоонд хүрч чадсангүй.
Ираны цөмийн асуудлаарх 6 тал Ираны төлөөлөгчтэй 18-нд Швейцарын Лусан хотноо шинэ ээлжийн хэлэлцээгээ эхлүүлсэн юм. Ираны талын мэдээнээс үзэхэд, Ираны ерөнхийлөгч Руханигийн ээж гэнэт нас барсны улмаас тус хэлэлцээг хугацаанаас нь нэг хоногийн өмнө дуусгажээ.
Америкийн төрийн департамент 20-нд мэдэгдэл гаргаж, тус орны төрийн нарийн бичгийн дарга Керри 21-нд Лондон орж, Их Британи, Герман, Франц гурван орны ГХЯ-ны сайд нартай хэлэлцээ хийнэ гэжээ. Энэ нь мөн Ираны цөмийн асуудлаарх дараагийн хэлэлцээний байр сууриа зохицуулах зорилготой гэж Америкийн албаны хүн онцолжээ.
\Ц\