Роналду фанатуудаа доромжилсон гэх хэл аманд өртлөө

Мадридын “Реал”, “Леванта” багийг талбайдаа (2: 0)-оор хожсон тоглолтын үеэр довтлогч Криштиану Роналду хөгжөөн дэмжигчдийн шүгэлдэхээс залхсан уу эвгүй үйлдэл гаргажээ.

30 настай Португал эр хэт эмоцитой байснаас фанатуудаа хараасан нь камерт бичигджээ. Роналдугийн энэ үйлдэл фанатуудад нь харамсалтай цохилт болсон гэнэ.

Үүнээс өмнө хоёрдугаар сарын эхээр Мадридын дерби тоглолтонд Атлетикод (0: 4)-оор ялагдсаныхаа дараа Криштиану өөрийн төрсөн өдрийн баярын үдэшлэг дээр хөгжөөн дэмжигчдийгээ бас доромжилсон хэмээх хэл аманд ороод байжээ.

Сануулахад Роналду 2009 оны зун Английн “Манчестер Юнайтед”-аас 93.4 сая еврогоор “Реал” руу ирсэн билээ.

Тэр цагаас хойш Португал тоглогч хоёр удаа Испанийн аварга, Европын хөлбөмбөгийн Аваргуудын лигт мөн хоёр удаа, УЕФА-гийн супер цом, Испаний супер цом, Клубын дэлхийн аваргын цомыг тус тус өргөөд байгаа юм.

М.Баяр

gereg.mn