Обамагийн бие хамгаалагчид осол гаргажээ

АНУ-ын Ерөнхийлөгч Барак Обамагийн аюулгүй байдлыг хамгаалдаг хоёр бие хамгаалагч нь согтуу үедээ жолоо барьж, Цагаан ордны өмнөх хашлагыг мөргөсөн тухай “www.dailymail.co.uk” мэдээллээ.

Тэднийг Цагаан ордны хамгаалалтын дотоод журмын дагуу шийтгэхээр болсон гэжХамгаалалтын албаны дарга  “AFP” агентлагт ярьжээ. Энэхүү хэргийг Дотоодын аюулгүй байдлын яамнаас шалгаж эхэлсэн байна. Хамгаалагчид өчигдөр 22.00 цагийн үед албанаасаа бууж, гэртээ харих замдаа согтууруулах ундаа хэрэглэсэн хэмээн мэдүүлгийнхээ үеэр дурджээ.

Обама дээрх хэргийн дараа хамгаалалтын албаны удирдлагуудтай уулзсан хэмээн Цагаан ордны хэвлэлийн албанаас мэдээллээ.