НИЙСЛЭЛИЙН МОНГОЛ АРДЫН НАМЫН 90 ЖИЛИЙН ОЙ, ЭХ ОРОНЧДЫН БАЯРТ ЗОРИУЛСАН “ХАМТДАА БҮТЭЭСЭН 90 ЖИЛ” СЭДЭВТ ГЭРЭЛ ЗУРГИЙН УРАЛДААН

Нийслэлийн Монгол Ардын Нам анх байгуулагдсан цагаасаа хойш 90 жилийн урт замыг туулан өнгөрүүлэхдээ эх орныхоо тусгаар тогтнолыг бататган бэхжүүлэхийн төлөө тэмцэж, Монгол орныхоо олон үеийн хоцрогдлыг арилгаж, улс орноо орчин үеийн соёл иргэншилтэй хөл нийлүүлэх, ард түмнийхээ сайн сайхан аж төрөх нөхцөлийг хангахын төлөө ажиллаж ирсэн билээ.

Энэ онд Нийслэлийн Монгол Ардын Намын 90 жилийн ой тохиож байгаатай холбогдуулан Нийслэлийн МАН-ын Хороо, Монголын Гэрэл Зурагчидын Нэгдсэн Холбоотой хамтран “ХАМТДАА БҮТЭЭСЭН 90 ЖИЛ” гэрэл зургийн уралдааныг зарлаж байна.

Уралдаанд Нийслэлийн Монгол Ардын Намын түүхэн үйл явдалын дурсгалт агшин, Нийслэлийн бүтээн байгуулалт, Монгол орны хөгжил цэцэглэлтэнд гар бие оролцож яваа жирийн иргэдийн аж амьдрал, үйл явдлыг харуулсан бүтээлээр хүн бүхэн оролцох боломжтой.

Оролцогчдын бүтээлийг дараах журмын дагуу хүлээн авч, байр эзлүүлнэ.

Тавигдах шаардлага:

-       Уралдаанд оролцогч нь тухайлсан бүтээл болон гэрэл зургийн цуврал сурвалжлага хэлбэрээр материалаа ирүүлэх боломжтой,

-       Оролцогч нь бүтээлээ зохиогчийн эрхээр хамгаалах буюу шаардлагатай үед түүнийгээ батлах чадвартай байх,

-       Оролцогчийн овог нэр, ажлын газар, албан тушаалын тухай товч мэдээллийг хавсаргах,

-       Гэрэл зургийн эх файл нь JPEG форматтай, нягтаршил нь 2500 х1800 pixels-ээс доошгүй байх ба флаш диск дээр хуулж авчрах,

-       Бүтээлдээ нэр өгч, зургийн файлыг хаана, хэзээ, хэн буулгасан тухай мэдээллийг хавсаргах.

Анхаарах зүйлс:

-       Дээр дурдсан шаардлага хангаагүй, мэдээлэл дутуу бол хүлээн авахгүй,

-       Ирүүлсэн бүтээлийн файлыг буцаан олгохгүй ба гэрэл зураг нь уралдаан зохион байгуулагч талын өмч болно.