Apple пүүс ухаалаг цагныхаа үнийг тогтоожээ

Технологийн тэргүүлэгч Apple пүүс ухаалаг цагныхаа үнийг тогтоосон байна. Ухаалаг цагны коллекц нь хийгдсэн метал болон дагалдах оосор зэргээс хамааран 349-17,000 долларын үнэтэй байх аж. Тухайлбал, 38 мм-ийн хувилбар цагнаас арай том буюу 42 мм загварын цагны үнэ нь 50 доллараар өндөр байх гэнэ. Түүнчлэн Apple пүүсээс дөрөвдүгээр сарын 24-ний өдөр шинэ төхөөрөмжүүдээ худалдаанд гаргахаар төлөвлөж байгаа юм. Харин хоорондоо ижил төстэй, өрсөлдөгч цагнуудыг тодорхой хугацаанд хязгаарлалттайгаар худалдаанд гаргахаар төлөвлөжээ. Сан-Франциско хотод болсон хэвлэлийн арга хэмжээн дээр зэвэрдэггүй гангаар хийгдсэн дунд зэрэглэлийн цаг нь АНУ-д 549-1,099 доллар, Их Британид 479-949 фунт стерлингийн үнээр худалдаанд гарах гэж байгаа талаар мэдээллийг хэвлэлийнхэнд өгсөн байна. Apple пүүсийн веб сайтад нийт 38 төрлийн ухаалаг цагны загварыг танилцуулжээ.