”Мах мак” ХХК махандаа дотор өөх хольж худалдаалж байна гэв

“Мах мак” ХХК жижиглэж бэлтгэсэн хонины махандаа малын дотор гэдэсний өөх хийж савлан худалдаж буй  зөрчлийн талаар үйлчлүүлэгч нь өнөөдөр  манай сайтад мэдээллээ.
Тодруулбал энэ сарын 20-ны өдөр Багануур дүүргийн гуравдугаар хорооны өндөр настан Б оршин суудаг нутаг дэвсгэрийхээ арвандөрөвдүгээр байрны хүнсний дэлгүүрээс өөх мах нь  алагласан тарган хонины мах худалдан авч, оройн хоолондоо хэрэглэхээр  хэрчиж бэлтгэх үед  дотроос нь малын дотор гэдэсний өөх гарч ирсэн байна.
Худалдан авагч Б ” “ Мах мак” компани  хонины махандаа  дотор гэдэсний өөх хийж арвижуулдаг юм шиг байна. Эл зөрчлийг мэргэжлийн хяналтыханд дуулгаж, шалгуулж өгнө үү” гэсэн хүсэлтийг тавьлаа.

Н.Түвшин