Ш.Төмөрсүх хятадаас будаа авчирч савласан гэв үү

    Эрх чөлөөг хэрэгжүүлэгч намын дарга Ш.Төмөрсүх монголдоо цагаан будаа ургуулж хураалаа. Одоо худалдаанд гарч бйна гэх зэргээр шуугиан дэгээж байв. Савласан будааг ч хэвлэл мэдээллээр рекламдав. Гэтэл савлаад рекламдаад байсан будаа нь хятадаас оруулж ирсэн тухай эх сурвалж хэлэв. Тэрээр Засгийн газраас томоохон дэмжлэг авахын тулд ийнхүү урьд хөршөөс цагаан будаа оруулж ирэн савласан байна.

Уг нь тэрээр хэдэн жилийн өмнө цагаан будаа тариалсан ч өөдтэй ургаагүй аж. Тиймээс Багануурт будаагаа тариалаад нэг жил арай гайгүй ургасан ч чанарын шаардлага огт хангаагүй будаа ургажээ. Тиймээс арга ядахдаа ийнхүү урьд хөршөөс будаа авчирч савласан хэмээв. Энэхүү мэдээллийг будааг нь тариалж байсан хүн бидэнд ирүүлсэн юм.

Уг нь хэвлэл мэдээлэл сөхвөл, “энэ жил Багануур дүүрэгт цагаан будаа тариалж буй нь үрсэлгээний шатандаа амжилттай ургаж, саяхан усанд суулгажээ. Энэхүү ажлыг доктор Ш.Төмөрсүх санаачлан нутгийн малчид болох Н.Жанцан, Б.Дамба нар тариалж байгаа юм. Усанд суулгах цаг хугацаа нь жаахан хожимдсон ч өмнө нь цагаан будаа тарьж ургуулж байсан туршлагатай багийнхан дажгүй ургана гэдэгт итгэж найдаж сууна.

Доктор Ш.Төмөрсүх цагаан будаа тарих анхны туршилтаа Гачууртад хийж 15 кг цагаан будаа хурааж авч байжээ. Тэрээр “Олон жил судалгаа хийсний үр дүнд эх орондоо хүнсний цагаан будааны тариалах аргачлалыг боловсруулж түүнийг нутагшуулж байна. Цагаан будааг Монголын хөрсөнд тарих аргачлалаа Оюуны өмчийн газраар баталгаажуулсан” хэмээсэн мэдээлэл тэнүүчилж байв.

Н.Дөл