“Монгол газар” компанийг энэ сарын 26-нд шүүнэ

“Монгол газар” компанийн нэхэмжлэгчдийн анхны хурал Дүүргийн иргэний хэргийн анхан шатны хоёрдугаар шүүхэд энэ сарын 26-нд болно.

Тодруулбал, тус компани дампуурлын хэрэг үүсгүүлэх тухай хүсэлтээ Дүүргийн иргэний хэргийн хоёрдугаар шүүхэд гаргасан юм. Тиймээс шүүх хүсэлтийг өнгөрсөн нэгдүгээр сарын 20-нд шийдэж, төлбөрийн чадваргүйд тооцсон. Ингэснээр компаниас авлагатай аж ахуйн нэгж, байгууллагууд шүүхэд нэхэмжлэл гаргаж, компанийг дахин хөрөнгөжүүлэх, эсвэл дампуурсанд тооцох эсэх саналаа өгөхөөр болсон.

Уг хэргийн шүүх хурал хоёр ч удаа хойшлоод байсан юм. Учир нь нэхэмжлэгчид нэхэмжлэх эрхээ хангуулах, “Монгол газар” компанийн төлөөллийг оруулах хүсэлт гаргасныг шүүх бүрэлдэхүүн хүлээн авч хуралдааныг хойшлуулсан юм.