Будаггүй сайхан царай

Ихэнх бүсгүйчүүд будаггүйгээр өдөр тутмын амьдарлаа төсөөлөхөд хүндрэлтэй л байх. Гэхдээ та яг одоо өөрийгөө толинд хардаа сайн хар таныг илтгэх үнэн амьд төрх чинь алга.

Учир нь  нүүрээ байнга будсанаар өөрийн арьсанд ачаалал өгч наснаасаа та  овортой харагдаж байгаа анзаарч байна уу? Яагаад  анхнаасаа сайхан эрүүл царайгаа будаж гэмтээх ёстой гэж. Өөрийн унаган төрхөө авч үлдэхэд одоо ч оройтоогүй. Будахгүйгээр сайхан царайтай болохын тулд: Та

1. Ус уу

Бараг л гоо сайхны мэдээлэл бүр дээр ус уухыг зөвлөдөг. Мэдээж чи энэ үгийг олон л сонсож байсан байх. Ус бол арьсыг чийглэг, толиотой, гэрэлтсэн болгоход хамгийн чухал нөлөө үзүүлдэг шидэт бэлдмэл л гэсэн үг. Хэрвээ чи өдөрт 8 аяга зүгээр ус уувал, зузаан крем пудранд санаа зовохоо болино.

2. Арьсаа гуужуул
Арьсаа чийглэг байлгахаас гадна, ялгарсан тос, үхэжсэн эд эсүүдийг тогтмол гуужуулж байх нь нялх хүүхдийн шиг булбарай төрхтэй байхад нэн чухал. Өөрийн онцлогт тохирсон ямар ч төрлийн скрабаар бие болон, нүүрээ гуужуулж, “залуу” арьсаа ил гаргаж байгаарай.

3. Арьсандаа өдөр бүр чийгшил өг
Цэвэрхэн, өөгүй, толигор арьсыг бий болгоход байнга санах ёстой нэг зүйл бол тос, чийгийн тэнцвэрт байдлыг хадгалах явдал юм. Бип тослог арьсыг цэвэрлэхдээ хэт хүчтэй бүтээгдэхүүн хэрэглэснээсээ болж, чийгшилийг нь алдагдуулж орхидог. Тиймээс спирттэй бүтээгдэхүүн хэрэглэсэн ч, чийгшүүлэх лосьон, усан суурьтай тос түрхэж бай. Тэгэхгүй бол чиний арьс цэвэрхэн болсон ч ширүүн, хөгшин харагдана.

4. Хөмсгөө зас
Нүүрээ будахгүйгээр сайхан харагдана гээд хөмсгөө мартана гэсэн үг биш шүү дээ! Хөмсөг хүний нүүрний харагдах байдалд ямар чухал үүрэг гүйцэтгэдгийг чи надаар хэлүүлэлтгүй мэдэх байх. Зэрлэгийг нь тогтмол зулгааж, хэлбэрийг нь хадгалж, хаа ч явж байсан хөмсгөө дээш нь чиглэлтэйгээр самнах нь харцыг тодруул, төрхийг “товойлгож” өгдөг.

5. Арьсныхаа тононд тохирох өнгийн хувцас өмс
Өөрөөр хэлвэл хувцас сонгохдоо өөрийн арьсанд зохиж байгаа эсэхт анхаар. Үнсэн саарал, ягаан, цонхигор цагаан зэрэг төрөл бүрийн арьсны тон бий. Мөн үснийхээ өнгөнд ч тохируулах нь чухал. Шаргал өнгийн үстэй хүн бор өнгийн хувцас өмсвөл, царай болон харц бүдгэрч, бүрсийж харагддаг гэдгийг санаарай. Тиймээс аль болох контраст буюу эрс тэс байдлыг үүсгэх гээд үз.

6. Бальзамтай нөхөрлө
Уруулын будаг хэрэглэхгүйгээр уруулаа чийглэг, дур булаам байлгах арга байна! Уруулын чийгшүүлэгч бальзам аваад л түрхчих. Ер нь тод улаан, эсвэл ягаанаар будсан уруулаас илүү, зөөлөн булбарай, чийглэг уруулыг үнсэх хүсэл төрүүлдэг юм шүү!