Apple цахилгаан машин үйлдвэрлэнэ

Барууны хэвлэлийнхний мэдээлж байгаагаар Apple компани  Америкийн цахилгаан машин үйлдвэрлэгч  Tesla Motors компанитай өрсөлдөх гэж байгаа гэнэ. Электрон техникийн ертөнцөд хувьсгал хийж чадсан Apple компани одоо шинэ төрлийн автомашин бүтээхээр зорьж байна. Калифорнийн Купертино хотод Apple брэндийн шинэ цахилгаан  машин зохион бүтээхээр хэдэн зуун хүн нууц байдалд ажиллаж байгааг Wall Street Journal сэтгүүл мэдээлжээ.

Ирээдүйн цахилгаан машины талаар одоогоор тодорхой зүйл алга байна. Дээрх сонины мэдээлж байгаагаар бол Aplle компани цахилгаан машин үйлдвэрлэгч Tesla Motors-ын гол өрсөлдөгч болох зорилготой ажиллаж байгаа гэнэ. Tesla Motors саяхан жилд 35 мянган цахилгаан машин үйлдвэрлэж байгаа тоогоо 2025 он гэхэд хэдэн саяд хүргэхээр зорьж байгаагаа зарласан юм.