Өнөөдрийн сэрэмжлүүлэг

Сар шинийн баяртай холбогдуулан Онцгой байдлын ерөнхий газрын даргын тушаалаар өнөөдрийн 10.00 цаг хүртэл Онцгой байдлын асуудал эрхэлсэн байгууллагыг албаны өндөржүүлсэн бэлэн байдлын зэрэгт шилжүүлжээ. Эдгээр өдрүүдэд цаг агаар харьцангуй хүйтэрсэн ч гол мөрөн, нуурын мөсний зузаан өмнөх оны мөн үетэй харьцуулахад 10-50 см-ээр нимгэрсэн байна. Иймд, иргэд мөсөн дээгүүр явганаар болон автомашин, техник хэрэгсэлтэйгээр зорчихгүй байж, болзошгүй эрсдэлээс урьдчилан сэргийлж, эрүүл мэнд, амь насаа хамгаалан аюулгүй байдлаа хангахыг ОБЕГ-аас анхааруулж байна.